ଆଜି ‘ନିପୁଣ ଭାରତ’ କାର୍ଯ୍ୟକ୍ରମ ଆରମ୍ଭ କରିବେ କେନ୍ଦ୍ର ଶିକ୍ଷାମନ୍ତ୍ରୀ
ନୁଆଦିଲ୍ଲୀ : ଆଜି ନିପୁଣ ଭାରତ କାର୍ଯ୍ୟକ୍ରମ ଆରମ୍ଭ କରିବେ କେନ୍ଦ୍ର ଶିକ୍ଷାମନ୍ତ୍ରୀ ରେମେଶ ପୋଖରିଆଲ ନିଶଙ୍କ । ସଂଖ୍ୟା ସାହାଯ୍ୟରେ ପଢିବା ଏବଂ ବୁଝିବା ଦକ୍ଷତା ପାଇଁ ଏହି ପଦକ୍ଷେପ ଆରମ୍ଭ ହେବ । ଭର୍ଚୁଆଲ ମୋଡ ମାଧ୍ୟମରେ ଏହି କାର୍ଯ୍ୟକ୍ରମକୁ କେନ୍ଦ୍ର ଶିକ୍ଷା ମନ୍ତ୍ରୀ ଆରମ୍ଭ କରିବେ। ଏହି କାର୍ଯ୍ୟକ୍ରମ ସମୟରେ ନିପୁଣ ଭାରତ ଉପରେ ଏକ କ୍ଷୁଦ୍ର ଭିଡିଓ, ସଂଗୀତ ଏବଂ କାର୍ଯ୍ୟାନ୍ୱୟନ ନିର୍ଦ୍ଦେଶାବଳୀ ମଧ୍ୟ ଉନ୍ମୋଚିତ ହେବ ।
ସୂଚନା ଅନୁଯାୟୀ, ନିପୁଣ ଭରତ ମିଶନର ଦୃଷ୍ଟିକୋଣ ହେଉଛି ଭିତ୍ତିଭୂମି ସାକ୍ଷରତା ଏବଂ ସାଂଖ୍ୟିକତାର ସର୍ବଭାରତୀୟ ଅଧିଗ୍ରହଣକୁ ସୁନିଶ୍ଚିତ କରିବା ପାଇଁ ଏକ ସକ୍ଷମ ପରିବେଶ ସୃଷ୍ଟି କରିବା, ଯାହା ଦ୍ୱାରା ପ୍ରତ୍ୟେକ ପିଲା ତୃତୀୟ ସ୍ରେଣି ସୁଦ୍ଧା ପଢିବା, ଲେଖିବା ଏବଂ ସଂଖ୍ୟାରେ ଆବଶ୍ୟକୀୟ ଶିକ୍ଷଣ ଦକ୍ଷତା ହାସଲ କରିବେ,ଯାହା ୨୦୨୬-୨୭ ସୁଦ୍ଧା ଏହି ଲକ୍ଷ୍ୟ ହାସଲ କରିବାକୁ ଯୋଜନା କରାଯାଇଛି । ବିଦ୍ୟାଳୟ ଶିକ୍ଷା ଏବଂ ସାକ୍ଷରତା ବିଭାଗ ଦ୍ୱାରା ନିପୁଣ ଭାରତ କାର୍ୟ୍ୟକାରୀ ହେବ ଏବଂ କେନ୍ଦ୍ରୀୟ ପ୍ରାୟୋଜିତ ଯୋଜନା ଅଧୀନରେ ଜାତୀୟ- ରାଜ୍ୟ- ଜିଲ୍ଲା- ବ୍ଲକ- ବିଦ୍ୟାଳୟ ସ୍ତରରେ ସମସ୍ତ ରାଜ୍ୟ ତଥା କେନ୍ଦ୍ର ଶାସିତ ଅଞ୍ଚଳରେ ଏକ ପାଞ୍ଚ ସ୍ତରୀୟ କାର୍ୟ୍ୟକାରିତା ପ୍ରଣାଳୀ ପ୍ରତିଷ୍ଠା କରାଯିବ।
