ଦିଲ୍ଲୀରେ ନାଇଟ୍ କର୍ଫ୍ୟୁ
ରାତି ୧୦ଟାରୁ ସକାଳ ୫ଟା ଯାଏ କର୍ଫ୍ୟୁ
ନୂଆଦିଲ୍ଲୀ : ଦିଲ୍ଲୀ ସରକାର ଘୋଷଣା କରିଛନ୍ତି ଯେ, ମଙ୍ଗଳବାର ଠାରୁ ଏପ୍ରିଲ ୩୦ ପର୍ଯ୍ୟନ୍ତ ଦିଲ୍ଲୀରେ ରାତ୍ରି ୧୦ ରୁ ସକାଳ ୫ ପର୍ଯ୍ୟନ୍ତ ରାତ୍ରି କର୍ଫ୍ୟୁ ହେବ । ଦିଲ୍ଲୀରେ କରୋନା ଭାଇରସ ସଂକ୍ରମଣର ବୃଦ୍ଧି ମାମଲାକୁ ଦୃଷ୍ଟିରେ ରଖି ମଙ୍ଗଳବାର ରାତିରୁ ନାଇଟ୍ କର୍ଫ୍ୟୁ ଘୋଷଣା କରାଯାଇଛି । ରାତି କର୍ଫ୍ୟୁରେ ରାତି ୧୦ଟାରୁ ସକାଳ ୫ ପର୍ଯ୍ୟନ୍ତ ଲୋକଙ୍କୁ ଘରୁ ବାହାରକୁ ଯିବାକୁ ଦିଆଯିବ ନାହିଁ । ମାରାତ୍ମକ କରୋନା ଜୀବାଣୁ ପୁଣି ଥରେ ଦିଲ୍ଲୀରେ ଦ୍ରୁତ ଗତିରେ ବ୍ୟାପିବାରେ ଲାଗିଛି । ଗୋଟିଏ ଦିନରେ ଆସୁଥିବା ସକାରାତ୍ମକ ମାମଲା ସଂଖ୍ୟା ୪ ହଜାର ଅତିକ୍ରମ କରିଥିବା ବେଳେ ଦିଳ୍ଲୀରେ କଂଟେନମେଂଟ ଜୋନ୍ ସଂଖ୍ୟା ମଧ୍ୟ ଦ୍ରୁତ ଗତିରେ ବୃଦ୍ଧି ପାଉଛି । ଦିଲ୍ଲୀରେ କରୋନା ରୋକିବା ପାଇଁ ଦିଲ୍ଲୀ ସରକାର ମାଇକ୍ରୋ କଂଟେନମେଂଟ ଜୋନ ପଲିସିକୁ ଏକ ଅସ୍ତ୍ରରେ ପରିଣତ କରିଛନ୍ତି ।
ସୂଚନାଯୋଗ୍ୟ ଯେ, ଦିଲ୍ଲୀରେ କରୋନା ମାମଲା ବଢ଼ିବାରେ ଲାଗିଛି । ଦିଲ୍ଲୀ ସରକାରଙ୍କ ସ୍ୱାସ୍ଥ୍ୟ ବିଭାଗ ଦ୍ୱାରା ଏପ୍ରିଲ ୫ରେ ପ୍ରକାଶିତ ତଥ୍ୟ ଅନୁଯାୟୀ ଦିଲ୍ଲୀରେ ୩୦୯୦ ସକ୍ରିୟ କଂଟେନମେଂଟ ଜୋନ୍ ସୃଷ୍ଟି କରାଯାଇଛି । ଏହି କଂଟେନମେଂଟ ଜୋନ୍ ମଧ୍ୟରୁ ଅଧିକାଂଶ ଦକ୍ଷିଣ ଦିଲ୍ଲୀରେ ତିଆରି କରାଯାଇଛି । ତଥ୍ୟ ଅନୁଯାୟୀ ମାର୍ଚ୍ଚ ୧, ୨୦୨୧ ରୁ ୫ ଏପ୍ରିଲ ୨୦୨୧ ପର୍ଯ୍ୟନ୍ତ ଦେଶର ରାଜଧାନୀରେ ପ୍ରାୟ ୨୫୦୦ କଂଟେନମେଂଟ ଜୋନ୍ ସୃଷ୍ଟି ହୋଇଛି । ସେଥିମଧ୍ୟରୁ କେବଳ ଏପ୍ରିଲର ୫ ଦିନରେ ୯୦୦ କଂଟେନମେଂଟ ଜୋନ୍ ସୃଷ୍ଟି କରାଯାଇଛି ।
