କରୋନା ଯୋଦ୍ଧା ସୋନୁଙ୍କୁ କରୋନା
ନୂଆଦିଲ୍ଲୀ : ଦେଶରେ କରୋନାର ଦ୍ୱିତୀୟ ଲହର ଜାରି ରହିଛି । ପ୍ରତିଦିନ ଲକ୍ଷ ଲକ୍ଷ ଆକ୍ରାନ୍ତ ଚିହ୍ନଟ ହେଉଛନ୍ତି । ଅନେକ ବଲିଉଡ୍ ଅଭିନେତା ଓ ଅଭିନେତ୍ରୀ କରୋନାରେ ସଂକ୍ରମିତ ହୋଇଛନ୍ତି । ଏବେ ରିଅଲ୍ ହିରୋ ସୋନୁ ସୁଦ୍ କୋଭିଡ୍ ପଜିଟିଭ୍ ଚିହ୍ନଟ ହୋଇଛନ୍ତି । ସୋନୁ ସୁଦଙ୍କ କୋଭିଡ୍ ପଜିଟିଭ୍ ଚିହ୍ନଟ ହୋଇଛନ୍ତି । ସେ ନିଜେ ସୋସିଆଲ ମିଡିଆରେ ଏନେଇ ସୂଚନା ଦେଇଛନ୍ତି । ଏହି ଖବର ପରେ ତାଙ୍କର କୋଟିକୋଟି ପ୍ରଶଂସକ ଦୁଃଖରେ ଭାଙ୍ଗି ପଡିଛନ୍ତି ।
ନିଜ ଟୁଇଟର ହାଣ୍ଡେଲରେ ଉଭୟ ହିନ୍ଦୀ ଓ ଇଂଲିସ୍ ସେ ଲେଖିଛନ୍ତି- ବନ୍ଧୁଗଣ, ମୁଁ ଆପଣମାନଙ୍କୁ ସୂଚିତ କରିବାକୁ ଚାହୁଁଛି କି ମୁଁ କୋଭିଡ୍ ପଜିଟିଭ୍ ଚିହ୍ନଟ ହୋଇଛି। ମୁଁ ନିଜକୁ ସଙ୍ଗରୋଧରେ ରଖିଛି। ଚିନ୍ତାର କୌଣସି କାରଣ ନାହିଁ । ଏବେ ମୋତେ ବହୁତ ସମୟ ମିଳିବ। ମୁଁ ଆପଣମାନଙ୍କର ସମସ୍ୟା ଦୂର କରିବି। ମନେରଖନ୍ତୁ, ଯାହା ବି ସମସ୍ୟା ଆସୁ ମୁଁ ଆପଣମାନଙ୍କ ପାଖରେ ଅଛି। ଯଦିଓ ସେ ଡାକ୍ତରଖାନାରେ ଚିକିତ୍ସା ଲାଗି ଭର୍ତ୍ତି ହୋଇଛନ୍ତି କିନ୍ତୁ ତାଙ୍କର ଫୋନ୍ ବନ୍ଦ କରି ନାହାନ୍ତି। ସୋନୁ ଟୁଇଟ୍ କରି କହିଛନ୍ତି, ମୋ ପାଖକୁ ସାହାଯ୍ୟ ଲାଗି ହଜାର ହଜାର ଫୋନ୍ ଆସୁଛି, କିଏ ହସ୍ପିଟାଲ ବେଡ୍ ପାଇଁ ତ କିଏ କିଏ ଔଷଧ ପାଇଁ ପୁଣି କିଏ ଇଂଜେନକସନ୍ ପାଇଁ ଫୋନ୍ କରୁଛନ୍ତି। ଅନେକଙ୍କୁ ସାହାଯ୍ୟ କରୁଛି, ଅନେକଙ୍କୁ କରିପାରୁ ନାହିଁ। ଏଥିପାଇଁ ବେଳେ ବେଳେ ନିଜକୁ ଅସହାୟ ମନେ କରୁଛି ବୋଲି ସୋନୁ କହିଛନ୍ତି। ଗତ ବର୍ଷ ଲକଡାଉନ ସମୟରେ ପ୍ରବାସୀଙ୍କୁ ନିଜ ନିଜ ରାଜ୍ୟ ତଥା ଘରକୁ ପହଞ୍ଚାଇବା ବ୍ୟବସ୍ଥା କରି ରାତାରାତି ଲୋକପ୍ରିୟତା ପାଇଥିଲେ ଏହି ବଲିଉଡ ଷ୍ଟାର । ଗରିବ ଲୋକଙ୍କୁ ସହାୟତା କରିଥିବା ସୋନୁକୁ ଲୋକେ ‘ରିୟଲ୍ ହିରୋ’ କହିଥିଲେ । ବଲିଉଡ ଫିଲ୍ମରେ ଖଳନାୟକ ଚରିତ୍ରରେ ଅଭିନୟ କରି ସୋନୁ ସୁଦ ଯେତିକି ଲୋକପ୍ରିୟତା ପାଇଥିଲେ ତା’ଠାରୁ ଢେର ଅଧିକ ଲୋକପ୍ରିୟତା ଓ ପ୍ରଶଂସା ସେ କରୋନା କାଳରେ ହାସଲ୍ କରିଥିଲେ।
