ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ : ପଥରରେ ବାଡେଇ ଜଣେ ମୃତ, ଜଣେ ଗୁରୁତର
ରାଇରଙ୍ଗପୁର : ମୟୁରଭଞ୍ଜ ଜିଲ୍ଲା ବିଜାତଳା-ରାଇରଙ୍ଗପୁର ରାସ୍ତାର ଦାମୁଦିଗଡା ଗ୍ରାମ ନିକଟରେ ଏକ ଦୁଃଖଦ ଘଟଣା ଘଟିଛି । ଗୋରୁମହିଷାଣି ଥାନା ବାଲିଆବାଦୀ ଗ୍ରାମର ଦାସମାତ ନାମକ ବ୍ୟକ୍ତି ଜଣେ ନାବାଳକ ସମ୍ପର୍କୀୟଙ୍କ ସହିତ ବାଇକ ଯୋଗେ ଘରକୁ ଫେରୁଥିଲେ । କିନ୍ତୁ ରାସ୍ତାରେ ଥିବା ହମ୍ପସକୁ ଜାଣି ପାରି ନଥିଲେ । ଯାହା ଫଳରେ ଭାରସାମ୍ୟ ହରାଇ ରାସ୍ତା କଡରେ ଥିବା ପଥରରେ ବାଡେଇ ହୋଇ ଯାଇଥିଲେ । ତାଙ୍କୁ ଗୁରୁତର ଅବସ୍ଥାରେ ରାଇରଙ୍ଗପୁର ଡାକ୍ତରଖାନାକୁ ଅଣା ଯାଇଥିଲା । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତାଙ୍କ ସହିତ ଥିବା ନାବାଳକ ନାରାୟଣ ମାରାଣ୍ଡି ସୌଭାଗ୍ୟ ବଶତଃ ବଞ୍ଚି ଯାଇଥିଲେ ବି ଆହତ ହୋଇଛନ୍ତି ।
ସୂଚନା ଥାଉ କି ପୁର୍ତ୍ତ ବିଭାଗ ଦ୍ଵାରା ନିର୍ମାଣ କରାଯାଇଥିବା ରାସ୍ତାରେ ମନଇଚ୍ଛା ହମ୍ପସ ନିର୍ମାଣ କରାଯିବା ସହିତ କୌଣସି ଧଳା ମାର୍କ ଦିଆ ଯାଇନାହିଁ । ଫଳରେ ପ୍ରତ୍ୟକ ଦିନ କେଉଁଠି ନ କେଉଁଠି ଛୋଟବଡ଼ ଦୁର୍ଘଟଣା ହେବା ସହିତ ଅନେକ ସାଧାରଣ ଲୋକଙ୍କ ଜୀବନ ଯାଉଥିବା ଦେଖିବାକୁ ମିଳୁଛି । ପୁର୍ତ୍ତ ବିଭାଗ ଅଧିକାରୀଙ୍କୁ ଏନେଇ ବାରମ୍ବାର ଅଭିଯୋଗ କରିବା ପରେ ମଧ୍ୟ କୌଣସି ସୁଫଳ ମିଳୁନାହିଁ । ଯାହା ଫଳରେ ସାଧାରଣ ଲୋକଙ୍କ ଜୀବନ ଆକାରଣରେ ଯାଉଥିବା ଦେଖିବାକୁ ମିଳୁଛି । ଏଥି ପ୍ରତି ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେବାକୁ ସାଧାରଣରେ ଦାବି ହଉଛି।
