ତୃତୀୟ ଥର ପାଇଁ କରୋନା ସଂକ୍ରମିତ ହେଲେ ନୀଳଗିରି ବିଧାୟକ
ନୀଳଗିରି : ବାଲେଶ୍ବର ଜିଲା ନୀଳଗିରି ବିଧାୟକ ଇଂ ସୁକାନ୍ତ କୁମାର ନାୟକ ପୁଣି କରୋନା ସଂକ୍ରମିତ ହୋଇଛନ୍ତି l ବିଧାୟକ ଶ୍ରୀ ନାୟକ ଙ୍କୁ ସବୁ ସମୟରେ ଥଣ୍ଡା ରହୁଥିବା ବେଳେ ପୁଣି ଗତ ତିନିଦିନ ହେବ ଜ୍ଵରରେ ପୀଡିତ ହୋଇ ଥିବାରୁ ସେ ବୁଧବାର ଆଣ୍ଟିଜେନ ସ୍ୱାବ ପରୀକ୍ଷl କରିଥିଲେ। ସେହି ରିପୋର୍ଟ ରେ ଶ୍ରୀ ନାୟକ ଙ୍କୁ କରୋନା ପଜିଟିଭ ହୋଇଥିବl ର ଜଣାପଡିଛି l ଏହା ତାଙ୍କର ତୃତୀୟ ଥର ପାଇଁ କରୋନା ପଜିଟିଭ୍। ପୂର୍ବରୁ ମଧ୍ୟ ରାଜ୍ୟର ପ୍ରଥମ ବିଧାୟକ ଭାବେ ଶ୍ରୀ ନାୟକ କରୋନା ସଂକ୍ରମିତ ହୋଇଥିଲେ ସୁସ୍ଥ ହେବା ପରେ ପୁଣି ଥରେ କରୋନା ପଜିଟିଭ ଚିହ୍ନଟ ହୋଇ ଚିକିତ୍ସିତ ହୋଇ ସମ୍ପୂର୍ଣ୍ଣ ଆରୋଗ୍ୟ ଲାଭ କରିଥିଲେ l ଆଗକୁ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ତାରିଖ ଘୋଷଣା ହୋଇ ସାରିଥିବା ବେଳେ ବିଧାୟକଙ୍କ ଅନୁପସ୍ଥିତିକୁ କର୍ମୀଙ୍କ ମଧ୍ୟରେ ହତୋତ୍ସାହ ଦେଖା ଦେଇଛି।
ବର୍ତ୍ତମାନ ବିଧାୟକ ଶ୍ରୀ ନାୟକ ନିଜ କାର୍ଯ୍ୟାଳୟରେ ଗୃହ ସଙ୍ଗରୋଧ ରହିଥିବା ବେଳେ ତାଙ୍କ ସଂଷ୍ପର୍ଶରେ ଯେଉଁ ମାନେ ଆସିଛନ୍ତି ଓ କରୋନାର କୌଣସି ଲକ୍ଷଣ ଦେଖାଯାଏ ସେମାନେ ନିଜର ସ୍ୱାବ ପରୀକ୍ଷା କରିବା ପାଇଁ ଶ୍ରୀ ନାୟକ ନିବେଦନ କରିଛନ୍ତି l ବିଧାୟକ ଶ୍ରୀ ନାୟକ ଙ୍କ ଖୁବ ଶୀଘ୍ର ଆଶୁ ଆରୋଗ୍ୟ ଲାଭ କରନ୍ତୁ ବୋଲି ନୀଳଗିରି ବହୁ ବରିଷ୍ଠ ନେତା ଓ ଦଳୀୟ କର୍ମୀ ଜନସାଧାରଣ ଜଗତର ନାଥ ଶ୍ରୀ ଜଗନ୍ନାଥ ଙ୍କ ନିକଟରେ ପ୍ରାର୍ଥନା କରିଛନ୍ତି l
