ଆପଣ ବି ତରଭୁଜକୁ ଫ୍ରିଜ୍ରେ ରଖୁଛନ୍ତି କି? ହୋଇଯାଆନ୍ତୁ ସାବଧାନ…
ଗ୍ରୀଷ୍ମ ଋତୁରେ ଲୋକମାନେ ନିଜ ଫ୍ରିଜ୍ରେ ସମସ୍ତ ପ୍ରକାରର ଋତୁକାଳୀନ ଫଳ ସଂରକ୍ଷଣ କରିବା ଆରମ୍ଭ କରନ୍ତି । କାରଣ ଫଳଗୁଡିକ ଫ୍ରିଜ୍ରେ ଦୀର୍ଘ ସମୟ ପର୍ଯ୍ୟନ୍ତ ରହିପାରେ । କିନ୍ତୁ ଏମିତି କିଛି ଫଳ ଅଛି କି ଯାହାକୁ ଫ୍ରିଜରେ ରଖିବା ଠିକ୍ ନୁହେଁ । କାରଣ ଏହାକୁ ଫ୍ରିଜ୍ରେ ରଖିବା ଦ୍ୱାରା କେବଳ ଏହାର ସ୍ୱାଦ ହିଁ ବଦଳି ନଥାଏ, ବରଂ ଏହା ଆମ ସ୍ୱାସ୍ଥ୍ୟ ଉପରେ ମଧ୍ୟ ପ୍ରଭାବ ପକାଇଥାଏ ।
ସୂଚନା ଅନୁଯାୟୀ, ଗ୍ରୀଷ୍ମ ଋତୁରେ ସବୁଠାରୁ ଅଧିକ ଖିଆଯାଉଥିବା ଫଳ ମଧ୍ୟରେ ତରଭୁଜ ଅନ୍ୟତମ । ଏଥିରେ ପ୍ରଚୁର ପରିମାଣର ଜଳୀୟ ଅଂଶ ଥିବାରୁ ଏହା ଆମ ଶରୀରକୁ ଶିତଳତା ପ୍ରଦାନ କରେ । ଏହା ସହିତ ଏହା ମଧ୍ୟ ପୁଷ୍ଟିକରରେ ଭରପୂର । ଡି.କେ ପ୍ରକାଶନ ଦାରା ପ୍ରକାଶିତ ପୁସ୍ତକ ‘ହିଲିଙ୍ଗ୍ ଫୁଡ୍’ ଅନୁଯାୟୀ ସିଟ୍ରୁଲାଇନ୍ ନାମକ ଏକ ଗୁରୁତ୍ୱପୂର୍ଣ୍ଣ ଆମିନୋ ଏସିଡ୍ ତରଭୁଜ ତନ୍ତୁରୁ ମିଳିଥାଏ । ଏହା ନାଇଟ୍ରିକ୍ ଅକ୍ସାଇଡ୍ ଉତ୍ପାଦନକୁ ପରିଚାଳନା କରି ରକ୍ତଚାପକୁ ନିୟନ୍ତ୍ରଣ କରେ ଏବଂ ରକ୍ତ ପ୍ରବାହକୁ ବଢେଇଇଥାଏ । କିନ୍ତୁ ଏହାକୁ ଫ୍ରିଜ୍ରେ ରଖିବା ଦ୍ୱାରା ଶରୀର ପ୍ରତି କ୍ଷତିକାରକ ହୋଇଥାଏ । ତରଭୁଜକୁ ଫ୍ରିଜ୍ରେ ରଖିବା ଏକ ସାଧାରଣ କଥା ହୋଇଯାଇଛି । ଗରମ ଦିନରେ ଥଣ୍ଡା ତରଭୁଜକୁ ସମସ୍ତେ ଖାଇବାକୁ ପସନ୍ଦ କରିଥାନ୍ତି । କିନ୍ତୁ ଏହା କରିବା ଦ୍ୱାରା ଏହାର ପୁଷ୍ଟିକର ପରିମାଣ କମିଯାଏ। ୟୁଏସଡ଼ିଏ ଦ୍ୱାରା କରାଯାଇଥିବା ଏକ ଅଧ୍ୟୟନରେ ଏହା କୁହାଯାଇଛି । କୁହାଯାଇଛି ଯେ ରୁମ୍ ଟେମ୍ପେରେଚରରେ ଥିବା ତରଭୁଜ ଗୁଡ଼ିକ ଅଧିକ ପୁଷ୍ଟିକରରେ ଭରପୂର ଥିବା ବେଳେ ଫ୍ରିଜ୍ରେ ଥିବା ତରଭୁଜରେ ଏହି ପରିମାଣ କମିଯାଏ ।
ୟୁଏସଡ଼ିଏର ଦକ୍ଷିଣ କେନ୍ଦ୍ରୀୟ କୃଷି ଅନୁସନ୍ଧାନ ଗବେଷଣା କେନ୍ଦ୍ରର ଅନୁସନ୍ଧାନକାରୀମାନେ ୧୪ ଦିନ ଧରି ବିଭିନ୍ନ ପ୍ରକାରର ତରଭୁଜକୁ ପରୀକ୍ଷା କରିଥିଲେ । ସେମାନେ ଏହି ତରଭୁଜ ଗୁଡ଼ିକୁ ୭୦-, ୫୫- ଏବଂ ୪୧- ଡିଗ୍ରୀ ଫାରେନ୍ହାଇଟ୍ରେ ସଂରକ୍ଷଣ କରିଥିଲେ । ସେମାନେ ଜାଣିବାକୁ ପାଇଲେ ଯେ ଯେଉଁଗୁଡିକ ୭୦- ଡ଼ିଗ୍ରୀ ଫାରେନ୍ହାଇଟ୍ରେ ଥିଲା ତାହା ରେଫ୍ରିଜରେଟରରେ ଥିବା ତରଭୁଜ ଠାରୁ ଅଧିକ ପୁଷ୍ଟିକର ଥିଲା । ବିଶେଷଜ୍ଞଙ୍କ ମତରେ ତରଭୁଜକୁ ଗଛରୁ ତୋଳାଯିବା ପରେ ମଧ୍ୟ ଏହା କିଛି ପୋଷକ ତତ୍ତ୍ୱ ଉତ୍ପାଦନ କରିବା ଜାରି ରଖେ । କିନ୍ତୁ ଏହାକୁ ଫ୍ରିଜ୍ରେ ରଖିବା ଦ୍ୱାରା ଏହି ପ୍ରକ୍ରିୟା ମନ୍ଥର ହୋଇଯାଏ ନଚେତ ବନ୍ଦ ହୋଇଯାଏ ।
ପ୍ରକାଶ ଥାଉ ଯେ, ତେବେ ଉପରୋକ୍ତ କାରଣଗୁଡିକୁ ବିଚାରକୁ ନେଲେ ତରଭୁଜକୁ ଫ୍ରିଜ୍ରେ ରଖିବା ବଦଳରେ ଘରର ତାପମାତ୍ରାରେ ରଖିବା ଉଚିତ । ଯଦି ଆପଣମାନେ ଏହି ଜିନିଷଗୁଡ଼ିକୁ ଧ୍ୟାନରେ ରଖି ତରଭୁଜ ଖାଆନ୍ତି, ତେବେ ଆପଣମାନଙ୍କର କୌଣସି କ୍ଷତି ହେବ ନାହିଁ । ଏହି ପ୍ରବନ୍ଧରେ ଦିଆଯାଇଥିବା ସୂଚନାକୁ ଗ୍ରହଣ କରିବା ପୂର୍ବରୁ ହିଁ ନିଶ୍ଚିତ ଭାବରେ ଡାକ୍ତରଙ୍କର ପରାମର୍ଶ ଜରୁରୀ ନିଅନ୍ତୁ ।
