ବାଲେଶ୍ୱର : ପ୍ରଧାନମନ୍ତ୍ରୀଙ୍କ ଜନ୍ମଜୟନ୍ତୀ ପାଳନ ଅବସରରେ ରକ୍ତଦାନ ଶିବିର, ୧୦୨ ୟୁନିଟ୍ ସଂଗୃହୀତ
ନୀଳଗିରି : ଭାରତର ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀଙ୍କ ୭୩ତମ ଜନ୍ମଜୟନ୍ତୀ ଅବସରରେ ନୀଳଗିରି ନିର୍ବାଚନମଣ୍ଡଳୀ ଅନ୍ତର୍ଗତ ସିଆଡ଼ିମାଳ ଗ୍ରାମପଞ୍ଚାୟତର ପଞ୍ଚାୟତ କାର୍ଯ୍ୟାଳୟ ଠାରେ ଏକ ବିଶାଳ ରକ୍ତଦାନ ଶିବର ଅନୁଷ୍ଠିତ ହୋଇଯାଇଛି । ଶିବିରକୁ ସ୍ଥାନୀୟ ବିଧାୟକ ଇଂ. ସୁକାନ୍ତ କୁମାର ନାୟକ ଉଦ୍ଘାଟନ କରିଥିଲେ । ସମାଜସେବୀ ରାଜୀବ ଦାସବାବୁଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ସମ୍ମାନିତ ଅତିଥିଭାବେ ସିଆଡ଼ିମାଳ ସରପଞ୍ଚ ସୁରତ ସିଂ, ବିନୋଦ ମହାନ୍ତି ଯୋଗଦେଇଥିଲେ । ଶିବିରରେ ନୀଳଗିରି ଚିକିତ୍ସାଳୟର ଟେକନିସିଆନ ବେଣୁଧର ରାଉଳ, ସରୋଜ କୁମାର ପାଷାଙ୍କ ନେତୃତ୍ୱରେ ଏକ ଟିମ୍ ରକ୍ତଦାତାଙ୍କ ସ୍ୱାସ୍ଥ୍ୟ ପରୀକ୍ଷା କରି ୧୦୨ ୟୁନିଟ୍ ରକ୍ତ ସଂଗ୍ରହ କରିଥିଲେ । ପ୍ରଦୀପ ଚରଣ ବେହେରା, ଦିବ୍ୟରଞ୍ଜନ ମେଦିନିରାୟ, ନମା ସିଂ, ଉପେନ୍ଦ୍ର ପରମାଣିକ, ହୃଦେଶ୍ୱର ଦାସବାବୁ, ଗଣେଶ୍ୱର ବିଶ୍ୱାଳ, ଭଗବାନ ସେଠୀ, ମିନତି ସେଠୀ ପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ ।
