ଶୀତଦିନେ ଦୈନିକ ଖାଆନ୍ତୁ ଏହି ୫ ପ୍ରକାରଟି ଫଳ, ଶରୀରରେ ଦେଖାଦେବନି ଜଳୀୟ ଅଂଶର ଅଭାବ

ଶୀତଦିନ ସାଧାରଣତଃ ଅଧିକାଂଶ ଲୋକେ ପାଣି କମ୍ ପିଇଥାନ୍ତି । ଏଥିପାଇଁ ତ୍ବଚା ଶୁଷ୍କ ରହିବା ସହ ଓଠ ମଧ୍ୟ ଫାଠି ଥାଏ । ଆଉ କେତେକଙ୍କ ଶରୀରରେ ଜଳୀୟ ଅଂଶ ଅଭାବରୁ ଡିହାଇଡ୍ରେସନ୍ ସମସ୍ୟା ମଧ୍ୟ ଦେଖାଯାଏ । ତେବେ, ଏହାଦ୍ୱାରା ଅନେକ ଅସୁସ୍ଥ ହୋଇପଡନ୍ତି । କୋଷ୍ଠ କାଠିନ୍ୟର ସମ୍ମୁଖୀନ ହେବା ଠାରୁ ଆରମ୍ଭ କରି ଚର୍ମ ସମସ୍ୟା ମଧ୍ୟ ଦେଖାଦେଇଥାଏ । ତେଣୁ, ଏଭଳି କିଛି ଫଳ ରହିଛି । ଯାହାକୁ ଶୀତଦିନେ ଖାଇବା ଦ୍ବାରା ଶରୀରରେ ଜଳୀୟ ଅଂଶ ବଢିବା ସହ ତ୍ବଚାରେ ଚମକ ମଧ୍ୟ ଆସିଥାଏ ।

ଅଙ୍ଗୁର :

ଏଥିରେ ଅଧିକ ଭିଟାମିନ୍ ସି ଥାଏ । ଏବଂ ଏହା ଏକ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ, ଯାହା ରୋଗ ପ୍ରତିରୋଧକ ଶକ୍ତି ବଢାଇବାରେ ସାହାର୍ଯ୍ୟ କରିଥାଏ । ଏହା କୋଲେଷ୍ଟ୍ରଲ, ଉଚ୍ଚ ରକ୍ତଚାପକୁ ମଧ୍ୟ ହ୍ରାସ କରିଥାଏ । ଶୋଇବା ପୂର୍ବରୁ ଆପଣ ଅଙ୍ଗୁର ଫଳ ରସ ପାଇପାରିବେ । ଏହି ଫଳରେ ୮୮ ପ୍ରତିଶତ ଜଳ ଥାଏ ।

ଡାଳିମ୍ବ :

ଡାଳିମ୍ବ ଖାଇବା ଦ୍ବାରା ଶରୀ ଅଂଶରେ ଜଳୀୟ ଅଂଶ ବଢିଥାଏ । ଏଥିରେ ୨ ପ୍ରତିଶତ ପ୍ରୋଟିନ ଥିବା ବେଳେ ଏକ ପ୍ରତିଶତ ଫ୍ୟାଟ ଥାଏ । ଡାଳିମ୍ବର ଏକ ମଧ୍ୟମ ଅର୍ଦ୍ଧେକରେ ମାତ୍ର ୫୦ କ୍ୟାଲୋରୀ ସହିତ ୮୨ ପ୍ରତିଶତ ଜଳ ଥାଏ ।

କମଳା :

ଏହି ଫଳରେ ୮୬ ପ୍ରତିଶତ ଜଳ ଥାଏ । କମଳା ଶରୀରକୁ ପ୍ରଚୁର ପରିମାଣରେ ଭିଟାମିନ୍ ସି ଯୋଗାଇବାରେ ସାହାଯ୍ୟ କରିଥାଏ । ଏଥିରେ କ୍ୟାଲୋରୀରେ କମ୍ ଥାଏ । ଏବଂ ଏହା ବେଶ ପୁଷ୍ଟିକର ଅଟେ ।

ସପୁରୀ :

ସପୁରୀରେ ୮୦ ପ୍ରତିଶତରୁ ଅଧିକ ଜଳ ଥାଏ । ଏଥିରେ ଅନେକ ପୋଷକ ତତ୍ତ୍ୱ ରହିଥାଏ ଏବଂ ଏଥିରେ ଆଣ୍ଟିଅକ୍ସିଡାଣ୍ଟ ରହିଥାଏ । ଯାହା ହଜମ ପ୍ରକ୍ରିୟାରେ ସାହାର୍ଯ୍ୟ କରିଥାଏ । ଶିତଦିନେ ସପୁରୀ ହାତପାହାନ୍ତାରେ ମିଳିଥାଏ । ଯାହାକୁ ବିଭିନ୍ନ ବର୍ଗର ଲୋକେ ଖାଇପାରିବେ।

ସେଓ :

ସେଓରେ ଜଳର ମାତ୍ରା ୮୦-୮୫ ପ୍ରତିଶତ ରହିଛି । ଏଥିରେ ସୋଡିୟମ୍, ଏବଂ ଚର୍ବିରେ କମ୍, ଏବଂ କୋଲେଷ୍ଟ୍ରୋଲ୍ କମ୍ କରିବାରେ ସାହାଯ୍ୟ କରେ । ସେଓରେ ଭିଟାମିନ୍ ସି ଏବଂ ଫାଇବରର ଏକ ଉତ୍ତମ ଉତ୍ସ ବୋଲି କହିପାରିବା । ପ୍ରତିଦିନ ଗୋଟିଏ ସେଓ ଖାଇଲେ ଆପଣଙ୍କ ଠାରେ ଜଳୀୟ ଅଂଶ କମିବ ନାହିଁ ।