ବ୍ରହ୍ମାକୁମାରୀ ଓମ୍ ନିବାସରେ ଦୀପାବଳୀ ଉତ୍ସବ ପାଳନ
ଭୁବନେଶ୍ୱର : ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟର ମୁଖ୍ୟ ସେବାକେନ୍ଦ୍ର ଓମ୍ ନିବାସ, ଭୁବନେଶ୍ୱର ତରଫରୁ ଦୀପାବଳୀ ଉତ୍ସବ ମହାଆଡମ୍ବରରେ ପାଳନ ହୋଇଯାଇଛି । ପ୍ରଥମେ ଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା । ଏଥିରେ ମୁଖ୍ୟ ଅତିଥି ରୂପେ ସମ୍ମାନନୀୟ ଜୟଦେବ ବିଧାୟକ ବ୍ରହ୍ମାକୁମାର ଅରବିନ୍ଦ ଢାଲି, ସମ୍ମାନନୀୟ ଅତିଥି ରୂପେ ଉତ୍କଳ ବିଶ୍ୱବିଦ୍ୟାଳୟର ପୂର୍ବତନ କୁଳପତି ଶ୍ରୀଯୁକ୍ତ ବିନାୟକ ରଥ ଯୋଗଦେଇଥିଲେ । ରାଉରକେଲାର ସେବାକେନ୍ଦ୍ରର ବରିଷ୍ଠ ରାଜଯୋଗୀ ବ୍ରହ୍ମାକୁମାର ଅରୁଣ ଭାଇ, ଭୁବନେଶ୍ୱର ସେବା କେନ୍ଦ୍ରର ବରିଷ୍ଠ ବ୍ରହ୍ମାକୁମାର ଅଲେଖ ଭାଇ, ବ୍ରହ୍ମାକୁମାର ପ୍ରଭାକର ଭାଇ ପ୍ରମୁଖ ଦୀପାବଳୀର ମହତ୍ତ୍ୱ ଉପରେ ନିଜର ବକ୍ତବ୍ୟ ରଖିଥିଲେ । ସେବାକେନ୍ଦ୍ରର ମୁଖ୍ୟ ସଂଚାଳିକା ରାଜଯୋଗିନୀ ବ୍ରହ୍ମାକୁମାରୀ ଗୀତା ଭଉଣୀ କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ । ବ୍ରହ୍ମାକୁମାର ନିରଞ୍ଜନ ଭାଇଙ୍କର ଜନ୍ମଦିବସ କେକ୍ କାଟି ପାଳନ କରାଯାଇଥିଲା । ଏଥିରେ ଛୋଟ ଛୋଟ ପିଲାଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏହି କାର୍ଯ୍ୟକ୍ରମକୁ ବ୍ରହ୍ମାକୁମାରୀ ତ୍ରିପୁରା ଭଉଣୀ ପରିଚାଳନା କରିଥିଲେ । ଏଥିରେ ପ୍ରାୟ ୨୦୦ରୁ ଊର୍ଦ୍ଧ୍ୱ ଭାଇ ଭଉଣୀ ଯୋଗଦାନ ଦେଇଥିଲେ ।
