ଓମିକ୍ରନ ଭାରିଆଣ୍ଟ : ଜାଣନ୍ତୁ କେତେ ଭୟଙ୍କର ଓ କେମିତି ରହିବେ ସୁରକ୍ଷା! ଏହି ସବୁ ଲକ୍ଷଣ ଦେଖା ଯାଉଥିଲେ ହୋଇଯାଆନ୍ତୁ ସତର୍କ
ନୂଆଦିଲ୍ଲୀ : କରୋନାର ନୂଆ ଭାରିଆଣ୍ଟ ଓମିକ୍ରନକୁ ନେଇ ଏବେ ସାରା ବିଶ୍ୱରେ ବଢୁଛି ଭୟ । ପୁରୁଣା ଭାରିଆଣ୍ଟ ଅପେକ୍ଷା ଏହା ଦ୍ରୁତ ଗତିରେ ଲୋକଙ୍କୁ ସଂକ୍ରମିତ କରୁଥିବା କୁହାଯାଉଥିବାବେଳେ, ପୂର୍ବ ଅପେକ୍ଷା ଏହା ଅଧିକ ଘାତକ ବୋଲି ମଧ୍ୟ ବିଶେଷଜ୍ଞମାନେ ମତ ଦେଉଛନ୍ତି । ଯାହାକୁ ନେଇ ଏବେ ସାରା ବିଶ୍ୱରେ ଏକ ପ୍ରକାର ଭୟର ବାତାବରଣ ଖେଳିଯାଇଛି । ତେବେ ଦକ୍ଷିଣ ଆଫ୍ରିକାରୁ ଚିହ୍ନଟ ହୋଇଥିବା ଏହି ନୂଆ ଭାରିଆଣ୍ଟ ବିଶ୍ୱର ଅନ୍ୟ ଦେଶର ଲୋକଙ୍କୁ ମଧ୍ୟ ଆକ୍ରାନ୍ତ ହେଲାଣି ।
ଗତ କିଛି ଦିନ ହେବ କରୋନାର ଓମିକ୍ରନ୍ ଭାରିଆଣ୍ଟ ଉପରେ ଅନେକ ଆଲୋଚନା ଚାଲିଛି। ଏହି ନୂଆ ପ୍ରଜାତି ଓମିକ୍ରନ୍ ଗୋଟିଏ ପରେ ଗୋଟିଏ ଦେଶକୁ ବ୍ୟାପୁଛି । ଏବେ ଏହି ଦେଶ ମଧ୍ୟରେ ଭାରତ ମଧ୍ୟ ସାମିଲ ହୋଇସାରିଛି । ଇତିମଧ୍ୟରେ ଦେଶରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ୧୦୦ ପରି ହେଲାଣି ।ଫଳରେ ସବୁଠି ଚିନ୍ତା ବଢାଇଛି କୋରୋନାର ନ୍ୟୁ ଭାରିଆଣ୍ଟ ଓମିକ୍ରନ । ଓମିକ୍ରନର ପ୍ରଭାବକୁ ନେଇ ସଠିକ୍ ତଥ୍ୟ ଆସିନଥିଲେ ମଧ୍ୟ ଏହାର ଲକ୍ଷଣ କଣ ଏବଂ ଏହା କେତେ ମାରାତ୍ମକ ସେନେଇ ଚିନ୍ତାରେ ଦେଶଠୁ ବିଦେଶ । ଏହି ପରିପ୍ରେକ୍ଷୀରେ ବିଭିନ୍ନ ସ୍ୱାସ୍ଥ୍ୟ ବିଶେଷଜ୍ଞ ଓମିକ୍ରନ ଲକ୍ଷଣକୁ ନେଇ କେତେକ ସୂଚନା ପ୍ରଦାନ କରିଛନ୍ତି । ତଥ୍ୟ ଅନୁଯାୟୀ ଓମିକ୍ରନ ଲକ୍ଷଣ ପୂର୍ବ ଷ୍ଟ୍ରେନ ତୁଳନାରେ ଭିନ୍ନ ରହିଛି । ଗଳା ଦରଜ, କ୍ଳାନ୍ତ ଲାଗିବା, ଶରୀର ଯନ୍ତ୍ରଣା ଏବଂ ସାମାନ୍ୟ ଜ୍ବର ଆଦି ହେବା ଓମିକ୍ରନର କେତେକ ପ୍ରମୁଖ ଲକ୍ଷଣ ରହିଛି । ସେହିପରି ଓମିକ୍ରନର ସଂକ୍ରମଣ ହାର ଅଧିକ ରହି ଥିବାବେଳେ ଅଧିକ ମାରାତ୍ମକ ନୁହେଁ ବୋଲି ବିଶେଷଜ୍ଞ ମତ ରଖିଛନ୍ତି । ତେବେ ସବୁଠୁ ବଡ କଥା ହେଉଛି କି ଓମିକ୍ରନ ସଂକ୍ରମିତଙ୍କ ଘ୍ରାଣ ଶକ୍ତି ହ୍ରାସ ହେଉନାହିଁ । ସେହିପରି ଲକ୍ଷଣ ଥିବା ବ୍ୟକ୍ତିମାନଙ୍କୁ କୋରୋନା ଔଷଧ ଦିଆଯାଉ ଥିବାବେଳେ ଲକ୍ଷଣହୀନ ବ୍ୟକ୍ତିଙ୍କୁ ମଲଟିଭିଟାମିନ ଦିଆଯାଉଥିବା ଡାକ୍ତର କହିଛନ୍ତି ।
କ’ଣ ରହିଛି ଓମିକ୍ରନର ଲକ୍ଷଣ ? :
ଗତ ମାସରେ ଦକ୍ଷିଣ ଆଫ୍ରିକାରେ କରୋନାର ଓମିକ୍ରନ୍ ପ୍ରଜାତି ଚିହ୍ନଟ କରାଯାଇଥିଲା। WHO ସମେତ ବିଭିନ୍ନ ଦେଶର ବୈଜ୍ଞାନିକମାନେ ଏହି ପ୍ରଜାତି ଉପରେ ଗବେଷଣା କରୁଛନ୍ତି। ଆଇସିଏମଆର କହିଛି ଯେ କରୋନାର ଏହି ପ୍ରଜାତି ଡେଲଟା ପ୍ରଜାତି ଅପେକ୍ଷା ପାଞ୍ଚ ଗୁଣ ଅଧିକ ସଂକ୍ରାମକ ହୋଇପାରେ। ତଥାପି ବର୍ତ୍ତମାନ ପର୍ଯ୍ୟନ୍ତ ଓମିକ୍ରନର କୌଣସି ରୋଗୀ ଦେଶ ତଥା ସମଗ୍ର ବିଶ୍ବରେ କୌଣସି ଭୟଙ୍କର ଲକ୍ଷଣ ବାବଦରେ ସୂଚନା ଦେଇନାହିଁ । କିନ୍ତୁ ତଥାପି ସମସ୍ତ ସ୍ବାସ୍ଥ୍ୟ ସଂଗଠନକୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି। ବିଶେଷଜ୍ଞମାନେ କହିଛନ୍ତି ଯେ ଓମିକ୍ରନ୍ ଉପରେ ଥିବା ଟିକା କିମ୍ବା ପୂର୍ବ କରୋନାରୁ ସୃଷ୍ଟି ହୋଇଥିବା ରୋଗ ପ୍ରତିରୋଧକ ଶକ୍ତି କାମ କରିବା ସମ୍ଭାବନା କମ୍। WHO କହିଛି ଯେ ଓମିକ୍ରନ୍ ର ଅନେକ ଲକ୍ଷଣ ଏପର୍ଯ୍ୟନ୍ତ ସାମ୍ନାକୁ ଆସିନାହିଁ। କିନ୍ତୁ ଦକ୍ଷିଣ ଆଫ୍ରିକାରେ ଏହି ପ୍ରଜାତିକୁ ପ୍ରଥମେ ଚିହ୍ନଟ କରିଥିବା ଡାକ୍ତରଙ୍କ ଅନୁଯାୟୀ ଏହାର ଲକ୍ଷଣ ଡେଲ୍କୁ ପ୍ରଜାତିଠୁ ଭିନ୍ନ।
ସେ କହିଛନ୍ତି ଯେ ଓମିକ୍ରନ୍ ସଂକ୍ରମିତ ରୋଗୀଙ୍କଠାରେ ଦେଖାଯାଉଥିବା ଲକ୍ଷଣ ମଧ୍ୟରେ ମାଂସପେଶୀ ଯନ୍ତ୍ରଣା, ସାମାନ୍ୟ ଜ୍ୱର, ଗଳା ଯନ୍ତ୍ରଣା, ଅତ୍ୟଧିକ ଥକ୍କା, ମୁଣ୍ଡବିନ୍ଧା ଇତ୍ୟାଦି ଅନୁର୍ଭୁକ୍ତ। ଏହା ବ୍ୟତୀତ, କିଛି ଲୋକଙ୍କର କୌଣସି ଲକ୍ଷଣ ନ ଥାଇପାରେ। ଆହୁରି ମଧ୍ୟ, କରୋନାର ଅନ୍ୟ ପ୍ରଜାତି ପରି, ଯେତେବେଳେ ଜଣେ ଓମିକ୍ରନରେ ସଂକ୍ରମିତ ଥାଏ ତେବେ ରୋଗୀ ଜଣଙ୍କ ଗନ୍ଧ ଏବଂ ସ୍ବାଦ ଜାଣିପାରେ ନାହିଁ। ଏହାକୁ ନେଇ ସତର୍କତା ଅବଲମ୍ବନ କରିବାକୁ ପଡିବ ଯଦିଓ ରୋଗୀମାନେ ବର୍ତ୍ତମାନ ଓମିକ୍ରନ୍ ପଜିଟିଭ୍ ଅଛନ୍ତି, ସେମାନଙ୍କ ପାଖରେ ସାମାନ୍ୟ ଲକ୍ଷଣ ଦେଖାଉଛି। କିନ୍ତୁ ଟିକିଏ ଅସାବଧାନତା ପରିସ୍ଥିତିକୁ ଆହୁରି ଖରାପ କରିପାରେ। ତେଣୁ WHO ଦ୍ବାରା ସମସ୍ତ ଦେଶକୁ ପରାମର୍ଶ ଦିଆଯାଉଛି ଯେ ସେମାନେ ଏହି ପ୍ରଜାତିକୁ ହାଲୁକା ଭାବରେ ଗ୍ରହଣ କରିବା ଠିକ ହେବନି । ଏବଂ ପ୍ରଶାସନ ଏବଂ ସାଧାରଣ ଲୋକଙ୍କ ଦ୍ବାରା ସମ୍ପୂର୍ଣ୍ଣ ଯନ୍ତ୍ର ଏବଂ ଚିକିତ୍ସା ଦିଆଯିବା ଉଚିତ୍। ଆଇସିଏମଆର ମହାନିର୍ଦ୍ଦେଶକ ବଳରାମ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଓମିକ୍ରନକୁ ନେଇ ଭୟଭୀତ ନହେବା ପାଇଁ ସତର୍କ ରହିବା ଆବଶ୍ୟକ। ବର୍ତ୍ତମାନ ଦେଶକୁ ଲକଡାଉନ କରିବା ଆବଶ୍ୟକତା ନାହିଁ, କିନ୍ତୁ ସମସ୍ତ ରାଜ୍ୟକୁ ସତର୍କ ରହିବାକୁ ଏବଂ ପରିସ୍ଥିତି ପାଇଁ ପ୍ରସ୍ତୁତ ରହିବାକୁ ପରାମର୍ଶ ଦିଆଯାଇଛି।
ସଂକ୍ରମିତ ହେବା ପୂର୍ବରୁ ସତର୍କତା ଅବଲମ୍ବନ କରନ୍ତୁ :
ସର୍ବପ୍ରଥମେ, ସମସ୍ତ ନାଗରିକଙ୍କ ପାଇଁ ମାସ୍କ ପିନ୍ଧିବା ବାଧ୍ୟତାମୂଳକ। ମାସ୍କ ବିନା ଘରୁ ବାହାରକୁ ଯାଆନ୍ତୁ ନାହିଁ ଏବଂ ଆବଶ୍ୟକ ନହେବା ପର୍ଯ୍ୟନ୍ତ ଆପଣଙ୍କର ମାସ୍କ ବାହାର କରନ୍ତୁ ନାହିଁ। ସାମାଜିକ ଦୂରତା ଅନୁସରଣ କରନ୍ତୁ। ଅର୍ଥାତ୍ ସବୁବେଳେ ଘର ବାହାରେ ପରସ୍ପରଠାରୁ ପ୍ରାୟ ଏକ ମିଟର ଦୂରତା ବଜାୟ ରଖିବା ଠିକ୍। ନିୟମିତ ବ୍ୟବଧାନରେ ହାତ ଧୋଇବା ଦରକାର ଏବଂ ବାହାରକୁ ଯିବାବେଳେ ହ୍ୟାଣ୍ଡ ସାନିଟାଇଜର ରଖିବା ଦରକାର। ଟିକାକରଣର ଉଭୟ ପାନ ନେବା ଦରକାର। ଜନଗହଳି ପୂର୍ଣ୍ଣ ସ୍ଥାନକୁ ଯିବା ଠାରୁ ଦୂରେଇ ରୁହନ୍ତୁ। ଯଦି ସାମାନ୍ୟତମ ସନ୍ଦେହ ମଧ୍ୟ ଥାଏ, ତେବେ ନିଜକୁ କ୍ବାରନ୍ଟାଇନ କରିବା ଏବଂ କରୋନା ପରୀକ୍ଷା କରିବା ଠିକ୍ ହେବ। ଏହା ବ୍ୟତୀତ ବର୍ତ୍ତମାନ ଟିକାକରଣର ବୁଷ୍ଟର ଡୋଜ ପାଇଁ ଭାରତରେ ଅଧ୍ୟୟନ କରାଯାଉଛି। ଆଗାମୀ ପରିସ୍ଥିତିକୁ ଦେଖିଲେ ଏହା ଉପରେ ନିଷ୍ପତ୍ତି ନିଆଯିବ।
