ଯୁବନେତା ଡ. ବେଣୁମାଧବ ପଣ୍ଡାଙ୍କ ପରଲୋକ
ବାଲେଶ୍ୱର : ପୂର୍ବତନ ମନ୍ତ୍ରୀ ପଦ୍ମଲୋଚନ ପଣ୍ଡାଙ୍କ ପୁତ୍ର ତଥା ସତ୍ୟସାଇ ଇନଷ୍ଟିଚ୍ୟୁସନ୍ସର ନିର୍ଦ୍ଦେଶକ ଓ ଯୁବନେତା ଡ. ବେଣୁମାଧବ ପଣ୍ଡା(୪୧)ଙ୍କ ପରଲୋକ। ଗତ ମାସେ ପୂର୍ବରୁ ସେ କରୋନା ସଂକ୍ରମିତ ଥାଇ ହାଇଦ୍ରାବାଦର ଏକ ଘରୋଇ ଡାକ୍ତରଖାନାରେ ଚିକିତ୍ସା ହେଉଥିଲେ। ବୁଧବାର ବିଳମ୍ବିତ ରାତି ପ୍ରାୟ ୧୨ଟା ସମୟରେ ତାଙ୍କର ଦେହାନ୍ତ ହୋଇଥିବା ସୂଚନା ମିଳିଛି। ଡ. ପଣ୍ଡାଙ୍କ ପରଲୋକ ଖବର ପାଇ ବିଭିନ୍ନ ମହଲରେ ଶୋକ ପ୍ରକାଶ ପାଇଛି।
କରୋନାରେ ସଂକ୍ରମିତ ହୋଇ ଶ୍ରୀ ପଣ୍ଡା ସୁସ୍ଥ ହୋଇଥିଲେ । ତାଙ୍କର ଆରଟିପିସିଆର ନେଗେଟିଭ ମଧ୍ୟ ହୋଇଥିଲା । ହେଲେ ପରବର୍ତୀ ସମୟରେ ତାଙ୍କର ଲଙ୍ଗସ୍ ( ଫୁସଫୁସ ) ସଂକ୍ରମିତ ହୋଇ ନଷ୍ଟ ହୋଇଯାଇଥିଲା । ଫଳରେ ତାଙ୍କୁ ଭୁବନେଶ୍ୱରରୁ ହାଇଦ୍ରାବାଦକୁ ଏୟାରଲିଫ୍ କରାଯାଇଥିଲା । ହେଲେ ଚିକିତ୍ସାଧନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ତାଙ୍କର ଶରୀରକୁ ଆଜି ବାଲେଶ୍ବର ଅଣାଯିବ ବୋଲି ଜଣାପଡିଛି ।ଶ୍ରୀ ପଣ୍ଡା ବାଲେଶ୍ୱର ଜିଲାରେ ସମାଜସେବା ତଥା ରାଜନୀତି କ୍ଷେତ୍ରରେ ନିଜର ପରିଚୟ ସୃଷ୍ଟି କରିପାରିଥିଲେ । ଏହା ସହିତ ସେ ବାଲେଶ୍ୱରର ବିଭିନ୍ନ ଅନୁଷ୍ଠାନ ସହିତ ମଧ୍ୟ ଜଡିତ ଥିଲେ ।
