ବୋର୍ଡ ଅଫ୍ ରେଭିନ୍ୟୁ ବାର ଆସୋସିଏସନ ପକ୍ଷରୁ ଉତ୍କଳ ଦିବସ
କଟକ : କଟକର ବୋର୍ଡ ଅଫ୍ ରେଭିନ୍ୟୁ ବାର ଆସୋସିଏସନ ପକ୍ଷରୁ ଆଜି ଉତ୍କଳ ଦିବସ ପାଳିତ ହୋଇଯାଇଛି । ଏହି ଉତ୍ସବରେ ଆସୋସିଏସନର ସଭାପତି ସୟଦ୍ ମେହେବୁବ୍ ଅଲ୍ଲୀ ସଭାପତିତ୍ୱ କରିଥିଲା ବେଳେ ସଂପାଦକ ଜ୍ଞାନେନ୍ଦ୍ର ପରିଡା କାର୍ଯ୍ୟକ୍ରମ ପରିଚାଳନା କରିଥିଲେ । ଉକ୍ତ କାର୍ଯ୍ୟକ୍ରମରେ ନବ ନିର୍ବାଚିତ ସହ ସଂପାଦକ ସୁଜିତ ସ୍ୱାଇଁ, ଯୁଗ୍ମ ସଂପାଦକ ଜ୍ୟୋତିର୍ମୟ ମହାପାତ୍ର, ସଦସ୍ୟ ମିହିର ପାତ୍ର, ଶୈଳେନ୍ଦ୍ର ପଟ୍ଟନାୟକ, ପୂର୍ବତନ ସଭାପତି ଦେବାଶିଷ ପାଣିଗ୍ରାହୀ, ସଦସ୍ୟ ପ୍ରସନ୍ନ ରଥ, ସମିମ ଅକତର, ପ୍ରଣବ ବିଶ୍ୱାଳ ପ୍ରମୁଖ ବହୁ ଆଇନଜୀବୀ ଉପସ୍ଥିତ ଥିଲେ । ଫ୍ୟାସନ ଡିଜାଇନର ସ୍ୱତୀ ମହାପାତ୍ର କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ସଦସ୍ୟ ମିହିର ପାତ୍ରଙ୍କ ଜନ୍ମ ଦିବସ ପାଳନ କରାଯାଇଥିଲା ।
