କରେଲ ଧୁଆ ଛକରେ ଟାଟା ଏସି ଓ ୪୦୭ ମଧ୍ୟରେ ମୁହାମୁଁହି ଧକ୍କାରେ ଦୁଇ ଗୁରୁତର
ବଲାଙ୍ଗୀର : ବଲାଙ୍ଗୀର ଜିଲ୍ଲା ସଇଁତଳା ବ୍ଲକ ୨୬ ନଂ. ଜାତୀୟ ରାଜପଥ କରେଲଧୁଆ ଓଭରବିଜ୍ର ଠାରେ ୨ ଗାଡ଼ି ମୁହାଁମୁହିଁ ଧକ୍କା ହୋଇଥିବା ଜଣାପଡ଼ିଛି । ସୂଚନା ଅନୁସାରେ, ଟାଟା ଏସି ଏବଂ ୪୦୭ ଗାଡ଼ି ମଧ୍ୟରେ ଧକ୍କା ହେବା ଫଳରେ ଟାଟା ଏସିରେ ଥିବା ୨ଜଣ ଯୁବକ ଗୁରୁତର ଆହତ ହୋଇଛନ୍ତି । ଗୁରୁତରମାନେ ହେଲେ ଭଗବାନ ନାଏକ ଓ ସଞ୍ଜୟ ବୋଲି ଜଣାପଡ଼ିଛି । ଗୁରୁତରଙ୍କୁ ଅଗ୍ନିଶମ ବାହିନୀ ଉଦ୍ଧାର କରି ବଲାଙ୍ଗୀର ଭୀମଭୋଇ ମେଡ଼ିକାଲ କଲେଜ ଓ ହସ୍ପିଟାଲରେ ଭର୍ତି କରିଥିବା ଜଣାପଡ଼ିଛି ।
