କର୍ପୋରେଟରଙ୍କ ନିଆରା ପ୍ରୟାସ ସଫେଇ କର୍ମଚାରୀଙ୍କ ପାଦ ଧୋଇ କଲେ ସମ୍ମାନିତ
କଟକ : ନିର୍ବାଚନ ସମୟରେ ଅନେକ ପ୍ରାର୍ଥୀ ଭୋଟ ହାତେଇବା ପାଇଁ ବହୁ ଲୋଭନୀୟ ଉପହାର ଦେବା ସହ ଲୋକଦେଖାଣିଆ କାର୍ଯ୍ୟକ୍ରମ କରିଥାନ୍ତି । ମାତ୍ର ବର୍ତ୍ତମାନ ନିର୍ବାଚନ ନାହିଁ କିମ୍ବା ନିକଟ ଭବିଷ୍ୟତରେ ମଧ୍ୟ ହେବାର ନାହିଁ । କିନ୍ତୁ କଟକ ମହାନଗର ନିଗମ ୪୧ ନଂ ୱାର୍ଡର କର୍ପୋରେଟର ସ୍ୱର୍ଣ୍ଣପ୍ରଭା ପଶାୟତ ୩୯,୪୦ ଓ ୪୧ ନମ୍ବର ୱାର୍ଡ ସଫେଇ କର୍ମଚାରୀଙ୍କ ପଦଧୈାତ କରି ସେମାନଙ୍କୁ ସମ୍ବର୍ଦ୍ଧିିତ କରିବା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ୩ଟି ୱାର୍ଡର ୩୦୦ରୁ ଊର୍ଦ୍ଧ୍ୱ ମହିଳାଙ୍କୁ ନେଇ କରାଯାଇଥିବା ସମାବେଶରେ ସଫେଇ କର୍ମଚାରୀ ଓ ପରିମଳ ଦାୟିତ୍ୱରେ ଥିବା କର୍ମଚାରୀମାନଙ୍କୁ ସମ୍ବର୍ଦ୍ଧିତ କରିବା ଅବସରରେ କର୍ପୋରେଟରଙ୍କ ଏତାଦୃଶ କାର୍ଯ୍ୟ କର୍ମଚାରୀଙ୍କ ମନୋବଳ ବଢାଇବା ସହ ସେମାନେ ମଧ୍ୟ ସମ୍ମାନର ଅଧିକାରୀ ବୋଲି କର୍ପୋରେଟର ପ୍ରକାଶ କରିଥିଲେ । ଏଥିସହ ସେମାନଙ୍କୁ ଉପହାର ମଧ୍ୟ ପ୍ରଦାନ କରାଯାଇଥିଲ।
