ମହିଳାଙ୍କୁ ଟେକି କଚାଡି ମାରିଲା ହାତୀ
ଆଠଗଡ଼ : ଆଠଗଡ଼ ବନଖଣ୍ଡ ଆଠଗଡ଼ ରେଞ୍ଜ ଅନ୍ତର୍ଗତ ତିଗିରିଆ ଚଷାଆଁରା ଗ୍ରାମର ହାତୀ ଆକ୍ରମଣରେ ମହିଳା ମୃତ । ମୃତକ ଜଣକ ହେଲେ ୩୩ ବର୍ଷୀୟ ମହିଳା ନଳିନୀ ସ୍ଵାଇଁ ।
ସୂଚନା ଯେ, ଶନିବାର ଭୋର୍ ସମାୟରେ ଗାଁ ପୋଖରୀକୁ ଗାଧୋଇବାକୁ ଯିବା ସମୟରେ ହାତୀର ହାବୁଡରେ ପଡିବାରୁ ହାତୀଟି ଟେକି କଚାଡି ଦେଇଥିଲା । ଯାହାଫଳରେ ମହିଳା ଜଣକୁ ଗୁରୁତର ଅବସ୍ଥାରେ ସ୍ଥାନୀୟ ଲୋକେ ତିଗିରିଆ ଗୋଷ୍ଟୀ ସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ସମ୍ପର୍କରେ ଖବର ପାଇ ତିଗିରିଆ ପୋଲିସ୍ ଏବଂ ବନ ବିଭାଗ କର୍ମଚାରୀ ଡାକ୍ତର ଖାନାରେ ପହଞ୍ଚି ଶବକୁ ଜବତ କରି ଶବ ବ୍ୟବଚ୍ଛେଦ ପାଇଁ ଆଠଗଡ଼ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ପଠାଇବା ସହିତ ତଦନ୍ତ ଆରମ୍ଭ କରିଛନ୍ତି।
