ବାଲେଶ୍ୱରରେ ପ୍ରବାସୀଙ୍କୁ ନେବାକୁ ଆସିଥିଲା ବସ୍, ଅଟକ ରଖିଲେ ଗ୍ରାମବାସୀ
ବାଲେଶ୍ୱର : ବାଲେଶ୍ୱରରେ ପ୍ରବାସୀଙ୍କୁ ନେବାକୁ ଆସିଥିବା ବସ୍କୁ ଅଟକ ରଖିଲେ ଗ୍ରାମବାସୀ । ନିୟମ ଉଲଙ୍ଘନ କରି ବାହାର ରାଜ୍ୟରୁ ଆସିଥିବା ବସକୁ ଜବତ କଲା ଖଇରା ପୋଲିସ । ଏଥିସହିତ ୪ ଜଣଙ୍କୁ ଅଟକ ରଖିଛି ପୋଲିସ ।
କେରଳ ରାଜ୍ୟର କୟମ୍ବାତୁର ୟୁରଡ଼ ଅଞ୍ଚଳରୁ ଏକ ଘରୋଇ ବସ ଶ୍ରମିକ ନେବାପାଇଁ ବାଲେଶ୍ଵର ଜିଲ୍ଲା ଖଇରା ଥାନା ହରିପୁର ଗ୍ରାମକୁ ପହଞ୍ଚିଥିଲା । ସ୍ଥାନୀୟ ଗ୍ରାମବାସୀମାନେ ବସକୁ ଅଟକାଇ ଖଇରା ଥାନାକୁ ଖବର ଦେଇଥିଲେ । ଶ୍ରମିକ ନେବାକୁ ଆସିଥିବା କେରଳ ରାଜ୍ୟର ଏକ ବସକୁ ଜବତ କରିଛି ଖଇରା ପୋଲିସ । ଖବର ପାଇ ଖଇରା ପୋଲିସ ଘଟଣାସ୍ଥଳେ ପହଞ୍ଚି ବସ ସମେତ ଡ୍ରାଇଭର,ହେଲ୍ପର ଏବଂ ସ୍ଥାନୀୟ ଅଞ୍ଚଳର ଦୁଇଜଣ ଯୁବକଙ୍କୁ ଥାନାରେ ଅଟକ ରଖି ତଦନ୍ତ ଚଳାଇଛି ।
