୮୨ ଗ୍ରାମ୍ ବ୍ରାଉନସୁଗର ଜବତ, ଜଣେ ଗିରଫ
କଟକ : ଅବକାରୀ ଅଧିକ୍ଷକ ଦେବାଶିଷ ପଟେଲଙ୍କ ନିର୍ଦ୍ଦେଶ କ୍ରମେ କଟକ ଅବକାରୀ ମୋବାଇଲ ୟୁନିଟ୍ କର୍ମଚାରୀମାନେ ଆଜି କଣ୍ଟାପଡା ଥାନା ଅନ୍ତର୍ଗତ ବୈରୋଇ ଛକ ନିକଟରେ ଚଢଉ କରି ଜଣେ ଅସାଧୁ ବେପାରୀକୁ ଗିରଫ କରିବା ସହ ତା’ ନିକଟରୁ ୮୨ ଗ୍ରାମ୍ ଓଜନର ବ୍ରାଉନସୁଗର କବତ କରିଛନ୍ତି । ଗିରଫ ଅଭିଯୁକ୍ତ ଜଣକ ସେହି ଅଂଚଳର ଖରିବିଲର ଜିତୁନା ଭୋଇ ଓରଫ ସିପୁନ୍ । ଏହି ଚଢଉରେ ଇନ୍ସପେକ୍ଟର ସଂଜୀତ ବାର୍ଲା, ଏସଆଇ ଅଜିତ କୁମାର ପାତ୍ର, ଏଏସଆଇ ହେମନ୍ତ ମଲ୍ଲିକଙ୍କ ସମେତ ନିର୍ମଳ କୁମାର ବେହେରା, ମନ୍ମଥ ସିଂହ, ଗଜାନନ ବେହେରା, ରଂଜନ କୁମାର ଭୋଇ, ମୋନାଲିସା ଦାସ ପ୍ରମୁଖ ସାମିଲ ଥିଲେ । ଜବତ ବ୍ରାଉନସୁଗରର ମୂଲ୍ୟ ୮ ଲକ୍ଷ ୨୦ ହଜାର ଟଙ୍କା ହେବ ବୋଲି ବିଭାଗ ପକ୍ଷରୁ କୁହାଯାଇଛି ।
