ଦନ୍ତା ହାତୀର ଗଳିତ ମୃତ ଦେହ ଉଦ୍ଧାର
ଆଠଗଡ଼ : ଆଠଗଡ଼ ବନଖଣ୍ଡ ନରସିଂହପୁର ପଶ୍ଚିମ ବନାଞ୍ଚଳ ଉପରକଟା ଗ୍ରାମ୍ୟ ସଂରକ୍ଷିତ ଜଙ୍ଗଲରୁ ଏକ ଦନ୍ତା ହାତୀର ଗଳିତ ମୃତ ଦେହ ଉଦ୍ଧାର ହୋଇଛି । ହାତୀଟିର ଗତ ୨୦ ରୁ ୨୫ ଦିନ ମଧ୍ୟରେ ମୃତ୍ୟୁ ଘଟିଛି । ସେହିପରି ଦନ୍ତା ହାତୀର ବୟସ ଅଢେଇରୁ ତିନି ବର୍ଷ ହେବ ବୋଲି ସୂଚନା ଦେଇଛନ୍ତି ବ୍ଲକ ପ୍ରାଣୀ ଚିକିତ୍ସା ଅଧିକାରୀ । ଅପରପକ୍ଷରେ ଗତ ୨୦ ରୁ ୨୫ ଦିନ ପୂର୍ବରୁ ହାତୀର ମୃତ୍ୟୁ ଘଟିଥିଲେ ମଧ୍ୟ ବନ ବିଭାଗ କର୍ମଚାରୀ ମାନେ କିପରି ଜାଣି ପାରିଲେ ନାହିଁ ।
ପୂର୍ବରୁ ମଧ୍ୟ ଏଠାରେ ଏକ ଗଳିତ ହାତୀର ମୃତଦେହ ଉଦ୍ଧାର ହୋଇଥିଲା । ଏହି ଜଙ୍ଗଲରେ କିଛି ମାସ ମଧ୍ୟରେ ୬ରୁ ଅଧିକ ହାତୀର ମୃତ୍ୟୁ ଘଟିଥିବା ଅଭିଯୋଗ ହେଉଛି । ଯାହାର ଏକ ଉଚ୍ଚ ସ୍ତରୀୟ ତଦନ୍ତ ହେବା ନେଇ ଜରୁରୀ ହୋଇପଡିଛି ।
