ମା’ ସମଲେଶ୍ଵରୀଙ୍କ ପୀଠରେ ସାଧାରଣ ଦର୍ଶନ ବନ୍ଦ
ସମ୍ୱଲପୁର : ଆଜି ସୂର୍ଯ୍ୟ ପରାଗ ପାଇଁ ମା’ ସମଲେଶ୍ଵରୀଙ୍କ ପୀଠରେ ବନ୍ଦ ରହିଛି ସାଧାରଣ ଦର୍ଶନ । ସୂର୍ଯ୍ୟ ପରାଗ ଦିନର କାର୍ଯ୍ୟ ସୂଚୀରେ କିଛି ପରିବର୍ତ୍ତନ କରାଯାଇଛି ।
ଭୋର୍ ୪ ଟାରେ ମାଆଙ୍କର ମନ୍ଦିର ଖୋଲାଯାଇ ନୀତିକାନ୍ତି ପରେ ମଙ୍ଗଳ ଆଳତି ଓ ଭୋଗ ଅର୍ପଣ ସମ୍ପନ୍ନ ହୋଇଥିଲା । ଫଳରେ ଭୋର ୪.୩୦ରୁ ମାଆଙ୍କ ମନ୍ଦିର ବନ୍ଦ ହୋଇ ବୁଧବାର ସକାଳ ପର୍ଯ୍ୟନ୍ତ ଦର୍ଶନ ବନ୍ଦ ରହିବ ବୋଲି ମନ୍ଦିର ପ୍ରଶାସନ ପକ୍ଷରୁ ଆଗୁଆ ସୂଚାଇ ଦିଆଯାଇଛି । ବୁଧବାର ସୂର୍ଯ୍ୟୋଦୟ ପରେ ମନ୍ଦିର ଶୋଧନ ପୂର୍ବକ ମାଙ୍କ ନୀତିକାନ୍ତି ପରେ ମଙ୍ଗଳ ଆଳତି ହେବା ପରେ ଭକ୍ତ ମାନଙ୍କ ଦର୍ଶନ ନିମନ୍ତେ ସୁଯୋଗ ମିଳିବ । ତେବେ ମଙ୍ଗଳବାର ପୂରା ଦିନଟି ପାଇଁ ଦର୍ଶନରୁ ବଂଚିତ ରହିଛନ୍ତି ଶ୍ରଦ୍ଧାଳୁ ।
