ଚୋରା କୋଇଲା ବୋଝେଇ ପିକ୍ଅପ୍ ଭ୍ୟାନ ଜବତ, ଚାଳକ ଫେରାର୍
ଚାନ୍ଦବାଲି : ଚୋରା କୋଇଲା ବୋଝେଇ ପିକ୍ଅପ୍ ଭ୍ୟାନ ଜବତ । ଚାନ୍ଦବାଲି ବିନିତରା ଛକ ନିକଟରୁ ଚୋରା କୋଇଲା ବୋଝେଇ ପିକ୍ଅପ୍ ଭ୍ୟାନକୁ ଜବତ କଲା ଚାନ୍ଦବାଲି ଥାନା ପୋଲିସ । ଏଥିସହ ୩୫ କ୍ୟୁଣ୍ଟାଲ ଚୋରା କୋଇଲା ବସ୍ତା ଜବତ କରିଛି ପୋଲିସ ।
ସୂଚନା ଯେ, କୋଇଲା ଗାଡ଼ିଟି ଧାମରା ରେଳପଥ ଯିଶିପୁର ଅଞ୍ଚଳରୁ ବାହାରି ଚାନ୍ଦବାଲି ଆସୁଥିବା ସମୟରେ ଚାନ୍ଦବାଲି ପୋଲିସ ଖବର ପାଇ ଚୋରା କୋଇଲା ଗାଡ଼ିକୁ ଚାନ୍ଦବାଲି ବିନିତରା ଛକ ନିକଟରେ ଗାଡ଼ିଟିକୁ ମାଡି ବସିଥିଲେ । ଗାଡ଼ିକୁ ଧରିବା ପରେ ଚାଳକ ଫେରାର ହୋଇଥିବା ସୂଚନା ମିଳିଛି । ଏନେଇ ଚାନ୍ଦବାଲି ଥାନାରେ ଏକ ମାମଲା (ନଂ.୧୫/୨୩) ରୁଜୁ କରାଯାଇଛି ।
