ପଣ୍ଡିତ କୁଳମଣି ଉଦ୍ଗାତା ମେମୋରିଆଲ ଭଲି ବଲ ଟୁର୍ଣ୍ଣାମେଣ୍ଟ ମୟୁରଭଞ୍ଜ ପାଇକସାହି ଚମ୍ପିଆନ
ତିହିଡ଼ି : ଭଦ୍ରକ ଜିଲା ତିହିଡ଼ି ବ୍ଲକ ଗୁଆମାଳ ପଞ୍ଚାୟତ ଅଧୀନ ଗଣେଶ୍ୱରପୁର ଠାରେ ଜିଲାସ୍ତରୀୟ ପଣ୍ଡିତ କୁଳମଣି ଉଦ୍ଗାତା ମେମୋରିଆ ଭଲିବଲ ଟୁର୍ଣ୍ଣାମେଣ୍ଟ ଉତ୍କଳମଣି ସମାଜ ମଙ୍ଗଳ ସଂଗଂନ ପକ୍ଷରୁ ଅନୁଷ୍ଠିତ ହୋଇ ଯାଇଛି । ଏହି ଏକ ଦୀବସୀୟ ଦିବାରାତ୍ର ଟୁର୍ଣ୍ଣାମେଣ୍ଟରେ ମୟୁରଭଞ୍ଜ ପାଇକସାହି ଭଲିବଲ ଦଳ ବାଲେଶ୍ୱରର ଗଡ଼ସଙ୍ଗ ଭଲିବଲ ଦଳକୁ ୩-୧ ସେଟ୍ରେ ହରାଇ ଚମ୍ପିଆନ ହୋଇଥିଲା । ଏହି ଟୁର୍ଣ୍ଣାମେଣ୍ଟକୁ ଭୁବନେଶ୍ୱର ମୁକ୍ତାକାଶ କାରାଗର ଅଧୀକ୍ଷକ ଅଶୋକ କୁମାର ବେହେରା ମୁଖ୍ୟ ଅତିଥି ଭାବେ ଯୋଗ ଦେଇ ଉଦ୍ଘାଟନ କରିଥିଲେ । ସମ୍ମାନିତ ଅତିଥି ଭାବେ ତିହିଡ଼ି ଥାନା ଅଧିକାରୀ ତପନ କୁମାର ପ୍ରଧାନ, ପଣ୍ଡିତ ଚତୁର୍ଭୁଜ ତ୍ରିପାଠୀ, ଗୁଆମାଳ ସରପଞ୍ଚ ମାମିନା ଜେନା, ସମିତିସଭ୍ୟା ପୁଷ୍ପାଞ୍ଜଳି ବେହେରା, ସମାଜସେବୀ ଲକ୍ଷ୍ମୀକାନ୍ତ ଖୁଣ୍ଟିଆ ପ୍ରମୁଖ ଯୋଗ ଦେଇଥିଲେ । ଏହି ଟୁର୍ଣ୍ଣାମେଣ୍ଟର ରେଫେରି ଭାବେବ ଜିତେନ୍ଦ୍ର କୁମାର ଜେନା, ରଂଜନ କୁମାର ବେହେରା କ୍ରୀଡ଼ା ପରିଚାଳନା କରିଥିଲେ । କଳ୍ପତରୁ ଉଦ୍ଗାତା, ବିଭୂଦତ୍ତ ଉଦ୍ଗାତା, ପ୍ରଭୁଦତ୍ତ ଉଦ୍ଗାତା, ସିଦ୍ଧାର୍ଥ ଉଦ୍ଗାତା, ଜଗବନ୍ଧୁ ତ୍ରିପାଠୀ, ସତ୍ୟାନନ୍ଦ ତ୍ରିପାଠୀ, ଅଭିଷେକ ଆଚାର୍ଯ୍ୟ, ରଂଜନ କୁମାର ବେଦ, ଜ୍ୟୋତିର୍ମୟ କର, ଭାନୁ ପ୍ରସାଦ ଉଦ୍ଗାତା, ଅମୂଲ୍ୟ ପଣ୍ଡା, ଅଶ୍ୱିନୀ ପଣ୍ଡା, ପ୍ରଦୀପ କୁମାର ସାହୁ, ଭାଗବତ ପୁହାଣ, ଭକ୍ତହରି ପୁହାଣ ପ୍ରମୁଖ ଟୁର୍ଣ୍ଣାମେଣ୍ଟ ପରିଚାଳନାରେ ସହଯୋଗ କରିଥିଲେ ।
