ହାତୀ ଆକ୍ରମଣରେ ଜଣେ ଗୁରୁତର, ଡାକ୍ତରଖାନାରେ ଭର୍ତ୍ତି
ଆଠମଲ୍ଲିକ : ଆଠମଲ୍ଲିକ ମାଧପୁର ରେଞ୍ଜର ଗୌତମପୁର ଗ୍ରାମରେ ଅଘଟଣ । ହାତୀ ଆକ୍ରମଣରେ ଜଣେ ଗୁରୁତର । ଗୁରୁତରଙ୍କୁ ଉଦ୍ଧାର କରାଯାଇ ଡାକ୍ତରଖାନାକୁ ନିଆ ଯାଇଥିଲା । ମାତ୍ର ରାସ୍ତା ନଥିବାରୁ ଗୁରୁତରଙ୍କୁ ଖଟିଆରେ ନିଆଯାଇଥିବାର ଦେଖିବାକୁ ମିଳିଥିଲା ।
ଗୌତମପୁର ଗ୍ରାମର ସୁରଜିତ ତ୍ରିକୀ ଘରୁ ଯାଉଥିବା ସମୟରେ ଏକ ହାତୀ ଶୁଣ୍ଢରେ ଟେକି କଚାଡି ଦେଇଥିଲା । ତେବେ ଘଟଣା ସ୍ଥାନରେ ମୁମୁର୍ଷୁ ଅବସ୍ଥାରେ ପଡି ରହିଥିଲେ । ପାଖରେ ଥିବା ଲୋକମାନେ ପାଟି କରିବାରୁ ହାତୀ ଚାଲିଯାଇଥିଲା । ସେପଟେ ଉକ୍ତ ଗ୍ରାମକୁ ରାସ୍ତା ନଥିବାରୁ ପହଞ୍ଚି ପାରିଲା ନଥିଲା ଆମ୍ବୁଲାନ୍ସ । ଲୋକେ ଖଟିଆରେ କିଛି ବାଟ ଆଣିବା ପରେ ବନ ବିଭାଗ ଗାଡ଼ିରେ ତାଙ୍କୁ ବୌଦ୍ଧ ମେଡିକାଲକୁ ପଠାଯାଇଥିଲା । ପରେ ବୁର୍ଲା ମେଡିକାଲକୁ ପଠାଯାଇଛି ।
