ଓଆରଏଚଡିସି ମାମଲା, ଆଜି ଵିଧାୟକ ମୋକିମଙ୍କ ଆଵେଦନ ଉପରେ ହାଇକୋର୍ଟରେ ଶୁଣାଣି
କଟକ : ଓଡିଶା ରୁରାଲ ହାଉସିଂ ଡେଭଲପମେଣ୍ଟ କର୍ପୋରେସନ (ଓଆରଏଚଡିସି) ମାମଲାରେ ଆଜି ଵାରଵାଟୀ କଟକ ଵିଧାୟକ ମହମ୍ମଦ୍ ମୋକିମଙ୍କ ଆଵେଦନ ଉପରେ ହାଇକୋର୍ଟରେ ଶୁଣାଣି ହେଵ ।
ସୂଚନା ଯେ, ଓଆରଏଚଡିସି ଦୁର୍ନୀତି ମାମଲାରେ ଭିଜିଲାନ୍ସ କୋର୍ଟ ଵାରଵାଟୀ କଟକ ଵିଧାୟକ ମହମ୍ମଦ ମୋକିମଙ୍କୁ ୩ ଵର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି । ଏହି ରାୟକୁ ଚାଲେଞ୍ଜ କରି ମୋକିମ୍ ହାଇକୋର୍ଟଙ୍କ ଦ୍ବାରସ୍ଥ ହୋଇଛନ୍ତି । ଗତ ୧୦ ତାରିଖରେ ମାମଲାକୁ ଵିଚାର ପାଇଁ ଗ୍ରହଣ କରିଥିଲେ ହାଇକୋର୍ଟ । ମାମଲାର ଶୁଣାଣି କରି ମୋକିମଙ୍କୁ ହାଇକୋର୍ଟ ଜାମିନ ପ୍ରଦାନ କରିଥିଲେ । ଏକ ଲକ୍ଷ ଟଙ୍କା ଓ ଦୁଇ ଜଣ ଜାମିନଦାର ବଦଳରେ ଜାମିନ ପାଇଁ ସର୍ତ୍ତ ରଖିଥିଲେ କୋର୍ଟ । ସେହିପରି ଜରିମାନା ଆଦାୟ ଉପରେ ଭୁବନେଶ୍ୱର ସ୍ୱତନ୍ତ୍ର ଭିଜିଲାନ୍ସ ଅଦାଲତଙ୍କ ରାୟ ଉପରେ ହାଇକୋର୍ଟ ରହିତାଦେଶ ଜାରି କରିଛନ୍ତି । ତେଵେ ଜେଲ ଦଣ୍ଡାଦେଶ ସମ୍ପର୍କରେ ଆଜି ଅପରାହ୍ନ ୨ଟାରେ ହାଇକୋର୍ଟ ଶୁଣାଣି ପାଇଁ ସମୟ ଧାର୍ଯ୍ୟ କରିଛନ୍ତି।
