ମିଆମି ଓପନ୍ : ସାବାଲେଙ୍କାଙ୍କୁ ହରାଇ ସେମିଫାଇନାଲ୍ରେ ସୋରାନା
![](https://thetruths.in/wp-content/uploads/2023/03/Aryna-Sabalenka-Sorana-Cirstea.jpg)
ମିଆମି : ମିଆମି ଓପନ୍ରେ ବିପର୍ଯ୍ୟୟ ଘଟାଇଲେ ଅଣମାନ୍ୟତାପ୍ରାପ୍ତ ସୋରୋନା କିର୍ଷ୍ଟିଆ । ମହିଳା ଏକକ କ୍ବାର୍ଟର ଫାଇନାଲ୍ରେ ଅଷ୍ଟ୍ରେଲିଆନ୍ ଓପନ୍ ବିଜୟିନୀ ତଥା ବିଶ୍ବ ମାନ୍ୟତାର ଦ୍ବିତୀୟ ଆରିନା ସାବାଲେଙ୍କାଙ୍କୁ ସିଧାସଳଖ ସେଟ୍ ୬-୪ ଓ ୬-୪ରେ ପରାସ୍ତ କରିଛନ୍ତି । ଫଳରେସାବାଲେଙ୍କା ମିଆମି ଓପନ୍ରୁ ବିଦା ହୋଇଥିବା ବେଳେ ସୋରାନା ସେମିଫାଇନାଲ୍ରେ ସ୍ଥାନ ସୁରକ୍ଷିତ କରିଛନ୍ତି।
୩୨ ବର୍ଷୀୟ ସୋରୋନାଙ୍କର ୧୦ ବର୍ଷ ପରେ ପ୍ରଥମ ତଥା କ୍ୟାରିୟରର ମୋଟ ଦ୍ବିତୀୟ ଡବ୍ଲୁଟିଏ ୧୦୦୦ ସେମିଫାଇନାଲ୍ ପ୍ରବେଶ। ସାବାଲେଙ୍କାଙ୍କୁ ପରାସ୍ତ କରିବା ତାଙ୍କ କ୍ୟାରିୟରର ସର୍ବବୃହତ୍ ବିଜୟ ବୋଲି ବର୍ଣ୍ଣନା କରିଛନ୍ତି ସୋରୋନା। ମ୍ୟାଚ୍ ଜିତିବା ପରେ ବିଶ୍ବ ମାନ୍ୟତାର ୭୪ ସୋରୋନା ଏତେ ଖୁସୀ ହୋଇଯାଇଥିଲେ ଯେ ଏହାକୁ ବର୍ଣ୍ଣନା କରିବା ପାଇଁ ଶବ୍ଦ ନଥିବା କହିଥିଲେ।
ଅନ୍ୟପକ୍ଷରେ ପୁରୁଷ ଏକକ କ୍ବାର୍ଟର ଫାଇନାଲ୍ରେ ଅଣମାନ୍ୟତାପ୍ରାପ୍ତ ଫିନ୍ ଇମିଲ ରୁସୁଭୌରିଙ୍କୁ ୬-୩ ଓ ୬-୧ ସିଧାସଳଖ ସେଟ୍ରେ ପରାସ୍ତ କରି ଇଟାଲିର ଜାନିକ ସିନେର ସେମିଫାଇନାଲ୍ରେ ପହଞ୍ଚି ଯାଇଛନ୍ତି। ଏଥି ସହିତ ସିନେର ମଧ୍ୟ ରୁସୁଭୌରିଙ୍କ ବିପକ୍ଷରେ ବିଜୟ ବ୍ୟବଧାନକୁ ୫-୦ରେ ପହଞ୍ଚାଇଛନ୍ତି।