ଖୁବଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ରାହୁଲ-ଆଥିୟା

ହାଇଦ୍ରାବାଦ : ଖୁବଶୀଘ୍ର କ୍ରିକେଟର କେ ଏଲ ରାହୁଲ ଓ ବଲିଉଡ୍‌ ଅଭିନେତା ସୁନୀଲ ସେଟ୍ଟୀଙ୍କ ଝିଅ ଆଥିୟା ସେଟ୍ଟୀ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଏ ନେଇ ପ୍ରସ୍ତୁତି ଆରମ୍ଭ ହୋଇଛି। ବିବାହ ସ୍ଥାନ ବି ସ୍ଥିର ସରିଛି । ଅନେକ ଦିନ ହେବ ଦୁହିଁଙ୍କ ବିବାହକୁ ନେଇ ଚର୍ଚ୍ଚା ହେଉଥିଲା ଯାହା ଉପରେ ପୂର୍ଣ୍ଣଚ୍ଛେଦ ପଡିବାକୁ ଯାଉଛି ।

କିଛି ଦିନ ତଳେ ଉଭୟ ତାଙ୍କ ସମ୍ପର୍କ ନେଇ ଫ୍ୟାନ୍ସଙ୍କୁ ଜଣାଇଥିଲେ । ଏହାପରେ ତାଙ୍କ ବିବାହକୁ ନେଇ ଫ୍ୟାନ୍ସ ଉତ୍ସାହିତ ଥିଲେ। ମିଡିଆ ରିପୋର୍ଟ ଅନୁସାରେ ରାହୁଲ ଓ ଆଥିୟାଙ୍କ ବିବାହ ମୁମ୍ବାଇର ଏକ ପଞ୍ଚ ତାରକା ହୋଟେଲରେ ନୁହେଁ ବରଂ ଖଣ୍ଡାଲାରେ ସୁନୀଲ ସେଟ୍ଟୀଙ୍କର ଥିବା ଜହାନ ବଙ୍ଗଳାରେ ଧୁମଧାମରେ ହେବ । ଏ ନେଇ ଭେଟେରାନ ଅଭିନେତା ସୁନୀଲ ସେଟ୍ଟୀ ସଙ୍କେତ ଦେଇଛନ୍ତି । କେବେଳ ବିବାହ ତାରିଖକୁ ଅପେକ୍ଷା । ବର୍ତ୍ତମାନ ଭାରତୀୟ କ୍ରିକେଟର ଏସିଆ କପ୍ ଟୁର୍ଣ୍ଣାମେଣ୍ଟ ସିରିଜରେ ବ୍ୟସ୍ତ ଅଛନ୍ତି । ପୂର୍ବରୁ ଶ୍ରୀଲଙ୍କା ବିପକ୍ଷ ସିରିଜରେ ବ୍ୟସ୍ତ ଥିଲେ । ଆଗକୁ ମଧ୍ୟ କ୍ରିକେଟ ସିରିଜ ନେଇ ବ୍ୟସ୍ତ ରହିବେ। ଏହାକୁ ନଜରରେ ରଖି ବିବାହ ତାରିଖ ଘୋଷଣା କରାଯିବ ।

ସୂଚନା ଯେ, ଅନେକ ଦିନ ହେବ ରାହୁଲ ଓ ଆଥିୟା ପରସ୍ପରକୁ ଡେଟ କରି ଆସୁଛନ୍ତି । ପ୍ରଥମରୁ ଏ ଯୋଡି ସମ୍ପର୍କ ନେଇ ଖୁଲାସା କରି ନଥିଲେ କେବଳ ପରସ୍ପର ବନ୍ଧୁ ବୋଲି କହୁଥିଲେ । ପରେ ଉଭୟଙ୍କ ସମ୍ପର୍କ ନେଇ ମୁହଁ ଖୋଲିଥିଲେ । ଏବେ କେବଳ ବିବାହ ତାରିଖକୁ ଅପେକ୍ଷା କରିଛନ୍ତି ପ୍ୟାନ୍ସ । କେଏଲ ରାହୁଲ ଭାରତୀୟ କ୍ରିକେଟ ଟିମର ଜଣେ ଦକ୍ଷ ଖେଳାଳି । ଭାରତର ଉପଅଧିନାୟକ ଦାୟିତ୍ବ ମଧ୍ୟ ତୁଲାଇଛନ୍ତି । ଆଇପିଏଲର ନୂଆ ଦଳ ଲକ୍ଷ୍ନୌ ସୁପରଜିଆଣ୍ଟସର ଅଧିନାୟକ ଅଛନ୍ତି ରାହୁଲ । ଆଥିୟା ସେଟ୍ଟୀ ୨୦୧୫ରେ ବଲିଉଡରେ ଏଣ୍ଟ୍ରି ମାରିଥିଲେ । ହିରୋ ଫିଲ୍ମ ତାଙ୍କର ପ୍ରଥମ ଫିଲ୍ମ । ଏହାପରେ ସେ ମୁବାରକନ, ମୋତିଚୁର ଫିଲ୍ମରେ ନଜର ଆସିଥିଲେ । ଆଗକୁ ସେ ଫୁଟବଲ ଫ୍ଲେୟାର ଅଫସାନ ଅସିକୀଙ୍କ ବାୟୋପିକରେ ନଜର ଆସିବେ ।