କରୋନାରେ ଯାତ୍ରା କମେଡିଆନ୍ ଜଗା ରାଉତଙ୍କ ପରଲୋକ
ଭୁବନେଶ୍ୱର : ରାଜ୍ୟରେ ମହାମାରୀ କରୋନା ହୁ ହୁ ହୋଇ ବଢି ଚାଲିଛି । ସାଧାରଣ ଲୋକଙ୍କ ଠାରୁ ଆରମ୍ଭ କରି ବହୁ ନେତା, ରାଜନେତା, ଅଭିନେତାଙ୍କର କରୋନାରେ ମୃତ୍ୟୁ ହେଲାଣି । ଏହାରି ମଧ୍ୟରେ ଯାତ୍ରା ମଞ୍ଚ ଅଭିନେତା ତଥା ବୟୋଜ୍ୟଷ୍ଠ କମେଡିଆନ୍ ଜଗା ରାଉତଙ୍କ ପରଲୋକ । କରୋନାରେ ଆକ୍ରାନ୍ତ ହୋଇ ଚିକିତ୍ସାଧିନ ଥିବା ଅବସ୍ଥାରେ ମଙ୍ଗଳବାର ପୂର୍ବାହ୍ନରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ବୟସ ହୋଇଥିଲା । ଫଳରେ ମହାମାରୀର ଶିକାର ହୋଇଛନ୍ତି ଆଉ ଜଣେ ଲୋକପ୍ରିୟ କଳାକାର ।
ଯାତ୍ରା ଜଗତରେ ଅପ୍ରତିଦ୍ୱନ୍ଦୀ ବ୍ୟଙ୍ଗ ଅଭିନେତା ଭାବେ ବିଶେଷ ପରିଚିତ ଥିଲେ ଜଗା ରାଉତ । ଦୀର୍ଘ ୬୨ ବର୍ଷ ଧରି ଯାତ୍ରା ଅଭିନୟ ସହ ସେ ଜଡିତ ଥିଲେ । ଓଡ଼ିଆ ଯାତ୍ରା ଜଗତରେ ଜଗା ମଉସା ଭାବେ ପରିଚିତ । ୧୯୫୮ ମସିହାରେ ଅଭିନୟକୁ ଆସିଥିବା ଜଗା ରାଉତ ସାତଶଙ୍ଖ ଅପେରା କୋଣାର୍କ ଗଣନାଟ୍ୟ ଓ କଳିଙ୍ଗ ଗଣନାଟ୍ୟରେ ଅଭିନୟ କରିଥିଲେ । ସେ ସିନେମାରେ ମଧ୍ୟ ଅଭିନୟ କରିଛନ୍ତି । ବୟୋଜ୍ୟଷ୍ଠ ଯାତ୍ରା କମେଡିଆନ୍ ଭାବେ ତାଙ୍କର ଏକ ସ୍ୱତନ୍ତ୍ର ପରିଚୟ ରହିଛି। ତାଙ୍କର ମୃତ୍ୟୁ ଯାତ୍ରା ଜଗତ ସହ ଯାତ୍ରା ପ୍ରେମୀ ମହଲରେ ଶୋକର ଛାୟା ଖେଳିଯାଇଛି । ରାଜଧାନୀ ତତେ ଦୁରୁ ଜୁହାର, ନକହିଲେ କୂଳ ଭାସିଯାଉଛି, ଆକାଶ କଇଁଆ ଚିଲିକା ମାଛ, କାଗଜଫୁଲ, ବୋହୁ ଆଣିଥିଲି ବେଶ୍ୟାପଡାରୁ, କହଲୋ ବଉଳ କିଏ ତୋ ବର ଭଳି ଯାତ୍ରାରେ ଅବିନୟ କରିଛନ୍ତି ଜଗା
