ବୈତରଣୀରେ କମୁଛି ବନ୍ୟା ଜଳ, ତଳିଆ ଅଞ୍ଚଳରେ ବଢୁୁଛି
ଭଦ୍ରକ : ବୈତରଣୀ ନଦୀରେ ବନ୍ୟା ଜଳ କମିଛି, ହେଲେ ବିପଦ ସଙ୍କେତ ଉପରେ ପ୍ରବାହିତ ହେଉଛି ପାଣି । ଅଖୁଆପଦା ଠାରେ ବିପଦ ସଙ୍କେତ ୧୭.୮୩ ରହିଛି । ଉପର ମୁଣ୍ଡରେ କମୁଛି ହେଲେ ତଳିଆ ଅଞ୍ଚଳରେ ବଢୁୁଛି ବନ୍ୟା ଜଳ । ଫଳରେ ଧାମନଗର ବ୍ଲକର ଆନନ୍ଦପୁର, ଖଡ଼ିପଦା, ସୋହଡା, କରଦା, ଦଲାଙ୍ଗ, ରଇପୁର ଆଦି ୧୨ ପଞ୍ଚାୟତରେ ବନ୍ୟା ଜଳ ପ୍ରବେଶ କରିଛି ।
ସେହିଭଳି ଭଣ୍ଡାରୀପୋଖରୀ ବ୍ଲକର ମାଳଦା, ଷୋଳମପୁର, କୁରୀଗାଁ ଆଦି ୫ଟି ପଞ୍ଚାୟତରେ ବନ୍ୟା ଜଳ ପ୍ରବେଶ କରିଛି । ଅନେକ ଲୋକ ଜଳବନ୍ଦୀ ହୋଇରହିଛନ୍ତି । ସେହିଭଳି ଜଳବନ୍ଦୀ ଲୋକମାନଙ୍କୁ ଶୁଖିଲା ଖାଦ୍ୟ ସବୁ ପ୍ରଶାସନ ପକ୍ଷରୁ ଯୋଗାଯାଉଛି । ସେପଟେ ତିହିଡି ଅଞ୍ଚଳର ତଳିଆ ଅଞ୍ଚଳ ବୋଡ଼କରୁ ନେଇ ଶ୍ୟାମସୁନ୍ଦରପୁର ଆଦି ପଞ୍ଚାୟତକୁ ବନ୍ୟା ଜଳ ପ୍ରବେଶ କରୁଛି । ନଦୀ ବନ୍ଧର ଦୁର୍ବଳ ସ୍ଥାନରେ ଘଳିଆ ସୃଷ୍ଟି ହୋଇଥିବା ବେଳେ ସ୍ଥାନୀୟ ଲୋକେ ବନ୍ଧ ନିକଟରେ ବାଲି ବସ୍ତା ପକେଇ ମରାମତି କରିଛନ୍ତି ।
