ସୋଫିଆରେ ଏନକାଉଣ୍ଟର, ୨ ଆତଙ୍କବାଦୀ ମୃତ
ଶ୍ରୀନଗର : ଜମ୍ମୁକଶ୍ମୀରର ସୋଫିଆ ଜିଲ୍ଲା ଅନ୍ତର୍ଗତ ଜେଇପୋରା ଗାଁ ନିକଟରେ ସୁରକ୍ଷା ବାହିନୀର ଏନକାଉଣ୍ଟରରେ ଦୁଇ ଜଣ ଅଜଣା ଆତଙ୍କବାଦୀଙ୍କ ମୃତ୍ୟୁ ହୋଇଛି । କଶ୍ମୀର ଜୋନ ପୋଲିସ ଟୁଇଟ କରି ଏହି ସୂଚନା ଦେଇଛି । ଆତଙ୍କବାଦୀ ମାନଙ୍କ ଚଳପ୍ରଚଳ ନେଇ ବିଶ୍ୱସ୍ତ ସୂତ୍ରରୁ ସୂଚନା ମିଳିବା ପରେ ସୁରକ୍ଷା ବାହିନୀର ଯବାନମାନେ ଅତର୍କିତ ଭାବେ ଘଟଣାସ୍ଥଳକୁ ପହଂଚି ଏନକାଉଣ୍ଟର କରିଥିଲେ ।
ଜାତୀୟ ଗଣମାଧ୍ୟମକୁ ମିଳିଥିବା ସୂଚନା ଅନୁସାରେ ଜେଇପୋରାଠାରେ ପୋଲିସ, ସିଆରପିଏଫ ଏବଂ ସେନା ପକ୍ଷରୁ ଯୁଗ୍ମ ଭାବରେ ସର୍ଚ୍ଚ ଅପରେଶନ ଆରମ୍ଭ କରିଛନ୍ତି । ସେହିଭଳି ସେନା ମଧ୍ୟ କର୍ଡନ ଓ ସର୍ଚ୍ଚ ଅପରେଶନ ଜାରି ରଖିଛି । ଟିମ ସମ୍ବେଦନଶୀଳ ସ୍ଥାନରେ ଅପରେଶନ ଜାରି ରଖିଥିବା ବେଳେ ଆତଙ୍କବାଦୀମାନେ ଲୁଚି ରହିଛନ୍ତି । ୨ରୁ ୩ ଜଣ ଆତଙ୍କବାଦୀ ଲୁଚି ରହିଥିବା ନେଇ ସନ୍ଦେହ ହୋଇଥିବା ବେଳେ ଅପରେଶନ ଶେଷ ହେବା ପରେ ପ୍ରକୃତ ସଂଖ୍ୟା ଜଣାପଡ଼ିବ ।
