ଧାନ ଖଳାରେ ଚାଷୀଙ୍କୁ ଦଳି ମାରିଲା ହାତୀ
ଦେବଗଡ଼ : ଦେବଗଡ଼ ଜିଲା ରିଆମାଳରେ ପୁଣି ହାତୀ ଆତଙ୍କ । ରିଆମାଳ ରେଞ୍ଜ କୋଲବସା ପଞ୍ଚାୟତ ଅନ୍ତର୍ଗତ ଚିରଗୁଣିକୁଦରରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି । ଧାନ ଖଳାରେ ଜଣେ ଚାଷୀଙ୍କୁ ହାତୀ ଦଳିଦେଇଛି । ମୃତ ଚାଷୀ ଜଣକ ହେଉଛନ୍ତି ୩୫ ବର୍ଷିୟ ଭାଗ୍ୟ କିସାନ । ଘଟଣାସ୍ଥଳରେ ରେଞ୍ଜର ଓ ବନ ବିଭାଗ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଗତ କିଛି ଦିନ ହେବ ସଂପୃକ୍ତ ଅଞ୍ଚଳରେ ହାତୀ ଉପଦ୍ରବ ଲାଗିରହିଛି।
ଭାଗ୍ୟ କିସାନ ଧାନ ଖଳାରେ ଧାନ ବେଙ୍ଗଳା ସାରି ଜଗିଥିଲେ।ରାତି ୨ ଟା ୩୦ ସମୟରେ ଏକ ହାତୀ ଆସି ତାଙ୍କୁ ଦଳି ଦେଇଥିଲା। ହାତୀର ରଡ଼ି ଓ ଭାଗ୍ୟଙ୍କ ଚିତ୍କାର ଶୁଣି ପରିବାର ଲୋକ ଦୌଡ଼ି ଆସିଥିଲେ । ଦେଖିବା ବେଳକୁ ହାତୀ ତାଙ୍କୁ ଆକ୍ରମଣ କରି ସାରିଥିଲା। ସକାଳେ ଖବର ପାଇ ରେଞ୍ଜର ନିରଞ୍ଜନ ଧାରୁଆ ସଦଳବଳେ ବନ ବିଭାଗ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
