ବାଲିଯାତ୍ରାକୁ ଜାତୀୟ ମାନ୍ୟତା ମିଳୁ
କଟକ : କଟକ ବାଲିଯାତ୍ରା ସାରା ବିଶ୍ୱରେ ପ୍ରସିଦ୍ଧି ହାସଲ କରିଛି । ବାଲିଯାତ୍ରା ପ୍ରସଙ୍ଗରେ ବିଶ୍ୱସ୍ତରର ବୈଠକ ପ୍ରଧାନମନ୍ତ୍ରୀଙ୍କ ବକ୍ତବ୍ୟ ଓ ଗିନିଜ୍ ବୁକ୍ ଅଫ୍ ରେକର୍ଡ଼ରେ ସ୍ଥାନ ମିଳିବା ବିଶ୍ୱ ଇତିହାସରେ ନୂଆ ଅଧ୍ୟାୟ ଯୋଡ଼ିଛି । ବାଲିଯାତ୍ରାରେ ଓଡ଼ିଶାର ସାଂସ୍କୃତିକ ଭିତ୍ତିଭୂମିକୁ ଅଧିକ ସମୃଦ୍ଧ କରାଯାଉ ।
ଗୌରବମୟ କଟକ ସହର ଓଡ଼ିଆ ସଂସ୍କୃତି, ଇତିହାସ, କଳାର ବାର୍ତ୍ତାବହ ତେଣୁ ଓଡ଼ିଶାର ସାଂସ୍କୃତିକ ଭିତ୍ତିଭୂମିକୁ ଅଧିକ ସମୃଦ୍ଧ କରାଯାଉ । ଆଗାମୀ ଦିନରେ ଜନସମାଗମ ଆହୁରି ବଢ଼ିବ ତାହାକୁ ନଜରରେ ରଖି ବାଲିଯାତ୍ରାର ସୀମାକୁ ବର୍ଦ୍ଧିତ କରିବାର ପ୍ରୟାସ କରାଯିବା ଉଚିତ୍ । ବାଲିଯାତ୍ରାକୁ ଜାତୀୟ ଓ ଆନ୍ତର୍ଜାତୀୟ ସ୍ତରରେ ବ୍ରାଣ୍ଡିଂ କରିବାର ସମୟ ଆସିଛି । ଏ କ୍ଷେତ୍ରରେ ସରକାର ପଦକ୍ଷେପ ଗ୍ରହଣ କରିବା ଆବଶ୍ୟକ ବୋଲି ମହାନଗର ନାଗରିକ ମଂଚ ସଭାପତି ଡାକ୍ତର ରବି ରଂଜନ ସାହୁ ଦାବି ଉଠାଇଛନ୍ତି ।
