ବାଲେଶ୍ୱର : ବେଆଇନ୍ ଗୋରୁଚାଲାଣକୁ ନେଇ ଉତ୍ତେଜନା, ୨ଟି ପିକ୍ଅପ୍ ଭ୍ୟାନ୍ ଜାଲିଦେଲେ ଉତ୍ୟକ୍ତ ଲୋକେ
ବାଲିଆପାଳ : ବାଲେଶ୍ୱର ଜିଲା ବାଲିଆପାଳ-କମର୍ଦ୍ଦା ରାସ୍ତାରେ ତାତିଲେ ଲୋକେ । ପଶ୍ଚିମବଙ୍ଗକୁ ଗୋଚାଲାଣ ବେଳେ ଗାଡି ଅଟକାଇଲେ । ଫଳରେ ସେଠାରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା। ପରେ ଗାଡ଼ି ଡ୍ରାଇଭର ଓ ହେଲପର ଘଟଣାସ୍ଥଳରୁ ଫେରାର ହୋଇଯାଇଥିଲେ। ଏହାପରେ ଲୋକମାନେ ଗୋରୁ ଗୁଡ଼ିକୁ ଗାଡ଼ିରୁ ବାହାର କରିବା ସହ ଗାଡ଼ିରେ ନିଆଁ ଲଗାଇ ଦେଇଥିଲେ। ଖବର ପାଇ କମର୍ଦ୍ଦା ପୋଲିସ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରି ଘଟଣାର ତଦନ୍ତ କରୁଛି।
ସୂଚନା ଯେ, ବାଲିଆପାଳ-କମର୍ଦା ରାସ୍ତା ଦେଇ ପ୍ରତିଦିନ ପିକ୍ଅପ୍ରେ ଗାଡିରେ ଭର୍ତ୍ତି ହୋଇ କମର୍ଦ୍ଦା ଥାନା ଗୋରୁ ଗାଡି ପଶ୍ଚିମବଙ୍ଗକୁ ଚାଲାଣ ହୋଇଥାଏ । ପୋଲିସ ନିକଟରେ ଏନେଇ ବାରମ୍ବାର ଅଭିଯୋଗ ହୋଇଥିଲା । କିନ୍ତୁ ପୋଲିସ ଘଟଣାରେ ନିରବଦ୍ରଷ୍ଟା ସାଜିଥିବା ନେଇ ସ୍ଥାନୀୟଲୋକେ ଅଭିଯୋଗ କରିଥିଲେ । ଶେଷରେ ସ୍ଥାନୀୟଲୋକେ ଉଲୁଡ଼ା ତାରେଣୀ ଛକ ନିକଟରେ ଗୋ-ଚାଲାଣ ହେଉଥିବା ବେଳେ ତିନୋଟି ପିକ୍ଅପ୍ ଭ୍ୟାନ୍କୁ ଅଟକାଇଥିଲା । ଏହାପରେ ଗାଡିରୁ ୯୦ରୁ ଉର୍ଦ୍ଧ୍ବ ଗୋରୁଙ୍କୁ ଉଦ୍ଧାର କରିଥିଲେ । ଶେଷରେ ଉତ୍ୟକ୍ତ ଲୋକେ ଦୁଇଟି ପିକ୍ଅପ୍ ଗାଡିରେ ନିଆଁ ଲଗାଇ ଦେଇଥିଲେ । ସେପଟେ ଘଟଣା ସଂପର୍କରେ ଖବର ପାଇ କମର୍ଦ୍ଦା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
