କଟକ ରେଳ ଷ୍ଟେସନରୁ ଜଣେ ଯବାନ ନିଖୋଜ
କଟକ : କଟକ ରେଳ ଷ୍ଟେସନରୁ ଜଣେ ଯବାନ ନିଖୋଜ ହୋଇଛନ୍ତି । ତାଙ୍କ ନାଁ ଟେନଜିନ୍ ଗାଓ୍ୱା । ସେ ଦିଲ୍ଲୀରୁ ଆସିଥିଲେ । ନିଖୋଜ ନେଇ ଅଭିଯୋଗ ପରେ ଖୋଳତାଡ ଆରମ୍ଭ କରିଛି ରେଲଓ୍ୱେ ପୋଲିସ ।
ଚୌଦ୍ୱାର ଚାରବାଟିଆକୁ ଟ୍ରେନିଂ ପାଇଁ ଆସିଥିବା ବେଳେ ନିଖୋଜ ହୋଇଛନ୍ତି । ଦେଢ଼ ଶହ ଯବାନଙ୍କ ମଧ୍ୟରୁ କେମିତି ନିଖୋଜ ହୋଇଗଲେ ଟେନଜିନ୍ ଗାଓ୍ୱା ? ସେ ନିଜେ କେଉଁଆଡ଼େ ଚାଲି ଯାଇଛନ୍ତି ନା ତାଙ୍କୁ କେହି ଅପହରଣ କରିଛି ? ସାଥୀ ଯବାନଙ୍କୁ ଜିଆରପି ପଚରାଉଚରା କରୁଥିବା ବେଳେ ଫୋନ୍ ଟ୍ରାକିଂ କରାଯାଉଥିବା ସୂଚନା ମିଳିଛି । ସୂଚନା ଯେ, ଦିଲ୍ଲୀରୁ ପ୍ରାୟ ଦେଢ଼ ଶହ ଯବାନ ଟ୍ରେନିଂ ପାଇଁ କଟକ ଚାରବାଟିଆକୁ ଆସିଥିଲେ । ଗତ ମଙ୍ଗଳବାର ସମସ୍ତେ କଟକ ରେଳ ଷ୍ଟେସନରେ ଓହ୍ଲାଇଥିଲେ । ଗ୍ରୁପ୍ କଲିଂ ବେଳେ ଜଣାପଡ଼ିଥିଲା ଟେନଜିନ୍ ଗାଓ୍ୱା ନିଖୋଜ ଅଛନ୍ତି । ଏନେଇ ଗତକାଲି ଯବାନଙ୍କ ଟିମ୍ ହେଡ୍ ଜିଆରପିରେ ଅଭିଯୋଗ କରିଥିଲେ ।
