ଖାଦ୍ୟ ଅନ୍ୱେଷଣରେ ଆସି କୂଅରେ ପଡ଼ିଲା ଭାଲୁଛୁଆ, ବନବିଭାଗ ଓ ଗ୍ରାମବାସୀଙ୍କ ଦ୍ୱାରା ହେଲା ଉଦ୍ଧାର
ନୀଳଗିରି : ଖାଦ୍ୟ ଅନ୍ୱେଷଣରେ ଆସି ଏକ ଖୋଲାକୂଅରେ ପଡ଼ିଲା ଭାଲୁ ଛୁଆ । ବନବିଭାଗ ଓ ଗ୍ରାମବାସୀଙ୍କ ଦ୍ୱାରା ହେଲା ଉଦ୍ଧାର ।
ସୂଚନା ଅନୁଯାୟୀ, ନୀଳଗିରି ବ୍ଲକ ମାହିଶାପଟା ପଞ୍ଚାୟତ ଗୁଜୁଡ଼ିହା ଗ୍ରାମରେ ଶନିବାର ରାତିରେ ଗୋଟିଏ ଭାଲୁଛୁଆ ମା’ ଭାଲୁ ସହିତ ଖାଦ୍ୟ ଅନ୍ୱେଷଣରେ ଆସି ଗୋଟିଏ ଖୋଲା କୂଅରେ ପଡ଼ିଯାଇଥିବା ଦେଖିବାକୁ ମିଳିଛି । ଗ୍ରାମର କିଛିଲୋକ ଭାଲୁଛୁଆ କୂଅରେ ପଡ଼ିଥିବା ଦେଖି ବନବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ବନବିଭାଗ ପହଞ୍ôଚବା ପରେ ଉଭୟ ବନବିଭାଗ ଓ ଗ୍ରାମବାସୀ ମିଶି ଭାଲୁଛୁଆଟିକୁ ଉଦ୍ଧାର କରିଥିଲେ । ପରେ ଭାଲୁଛୁଆଟି ନିକଟସ୍ଥ ଜଙ୍ଗଲକୁ ଚାଲିଯାଇଥିବା ସୂଚନା ମିଳିଛି ।
