ଜାଲରେ ପଡ଼ିଲା ୫ଫୁଟ ଲମ୍ବ ସାରଣ୍ଟ ମାଛ, ଦେଖିବା ପାଇଁ ଲୋକଙ୍କ ଭିଡ
ଭଦ୍ରକ : ଭଦ୍ରକ ଜିଲା ଧାମନଗର ବ୍ଲକ ସୋହଡା ପଞ୍ଚାୟତ ପିତେଇପୁର ସ୍ଥିତ ବୈତରଣୀ ନଦୀରୁ ୫ଫୁଟ ଲମ୍ବ (ପ୍ରାୟ ୩୦ କିଲୋ ଓଜନ)ର ଏକ ସାରଣ୍ଟ ମାଛ ଧରାଯାଇଛି । ବର୍ଷା ଯୋଗୁଁ ନଦୀରେ ଜଳସ୍ତର ବୃଦ୍ଧି ପାଇବାରୁ ସ୍ଥାନୀୟ ଧୀବର ମାଛ ଧରୁଥିଲେ । ସନ୍ଧ୍ୟା ସମୟରେ ସ୍ଥାନୀୟ ଅଞ୍ଚଳର ଅଶୋକ ତରାଇ ନଦୀରେ ଜାଲ ଟାଣୁଥିବା ବେଳେ ଏହି ମାଛ ଧରାପଡିଥିଲା । ଏହି ମାଛଟିକୁ ଦେଖିବା ପାଇଁ ବହୁ ଲୋକଙ୍କ ଭିଡ ହୋଇଛି ।
ଏହି ମାଛ ବିଶେଷ କରି ପାହାଡିଆ ଅଞ୍ଚଳରେ ରହିଥାନ୍ତି । ମାଛଟି ହୁଣ୍ଡା ପ୍ରଜାତିର । ତେଣୁ ଏହାକୁ ଧରିବାକୁ ସହଜ ହୋଇଥାଏ ବୋଲି ମତ୍ସ୍ୟଜୀବୀ କହିଛନ୍ତି । ତେବେ ଏହି ମାଛର ଓଜନ ପ୍ରାୟ ୨୫ରୁ ୩୦ କିଲୋ ହେବ ବୋଲି ଅନୁମାନ କରାଯାଉଛି । ପ୍ରାୟ ୫ରୁ ୭ବର୍ଷ ହେବ ଏହି ମାଛର ବୟସ । ଏହି ମାଛଟି ଦେଖିବାକୁ କଣ୍ଟିଆ ପ୍ରଜାତିର ମାଛ ଭଳି ।
