ଆଠଗଡକୁ ଜିଲା ଦାବି ନେଇ ଆଜି ୧୨ ଘଣ୍ଟିଆ ବନ୍ଦ ଡାକରା
କଟକ : ଆଠଗଡକୁ ଜିଲା ଦାବି ନେଇ ଆଜି ୧୨ ଘଣ୍ଟିଆ ବନ୍ଦ ଡାକରା । ଆଠଗଡ଼ ଜିଲା କ୍ରିୟାନୁଷ୍ଠାନ କମିଟି ପକ୍ଷରୁ ଆଠଗଡକୁ ଜିଲା ଦାବି ନେଇ ଦୀର୍ଘ ଏକମାସ ହେବ ଆଠଗଡ଼ ଉପଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଜିଲା କ୍ରିୟାନୁଷ୍ଠାନ କମିଟି ପକ୍ଷରୁ ପ୍ରତିକାତ୍ମକ ଧାରଣା ଚାଲୁ ରହିଛି । ଦୀର୍ଘ ଏକମାସ ହେବ ପ୍ରତିକାତ୍ମକ ଧାରଣା ଦିଆଯାଇଥିଲେ ମଧ୍ୟ ପ୍ରଶାସନ ପକ୍ଷରୁ କମିଟି ସହିତ କୌଣସି ପ୍ରକାର ଆଲୋଚନା ନ କରିବାକୁ ନେଇ ଆଜି ଜିଲା କ୍ରିୟାନୁଷ୍ଠାନ କମିଟି ପକ୍ଷରୁ ଆଠଗଡକୁ ଜିଲା ଦାବି ନେଇ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି।
ଏହି ବନ୍ଦ ଡାକରାରେ ଆଠଗଡର ବୁଦ୍ଧିଜୀବି ବହୁ ସଂଗଠନ ଯୋଗଦେଇଛି ।ଏହି ବନ୍ଦ ଡାକରାରେ ଆଠଗଡର ସମସ୍ତ ସରକାରୀ ବେସରକାରୀ କାର୍ଯ୍ୟାଳୟ ଗୁଡିକ ବନ୍ଦ ରହିଥିବା ବେଳେ ସମସ୍ତ ଦୋକାନ ବଜାର ବନ୍ଦ ରହିଥିବା ବେଳେ ଶାନ୍ତି ଶୃଙ୍ଖଳା ଦୃଷ୍ଟିରୁ ୩ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି।
