ଖିଲବେରିଣୀ ଗ୍ରାମରେ ମାଈ ହାତୀର ମୃତ୍ୟୁ
ଦେବଗଡ଼ : ଦେବଗଡ଼ ଜିଲ୍ଲା ରିଆମାଳ ଫରେଷ୍ଟ ରେଞ୍ଜ ଅନ୍ତର୍ଗତ ଖିଲବେରିଣୀ ଗ୍ରାମରେ ଏକ ମାଈ ହାତୀର ମୃତ୍ୟୁ ଘଟିଛି । ଗ୍ରାମର ଜଣେ ଚାଷୀଙ୍କ କମଳା ବଗିଚାରେ ହାତୀଟିର ମୃତଦେହ ଠାବ ହୋଇଛି । ହାତୀଟିର ଶୁଣ୍ଢରେ ବିଦ୍ୟୁତ ତାର ଗୁଡେଇ ହୋଇ ରହିଥିବାରୁ ବିଦ୍ୟୁତ ଆଘାତରେ ତାର ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ଖବର ପାଇ ଆଜି ସକାଳେ ବନ ବିଭାଗ ଅଧିକାରୀ ଓ କର୍ମଚାରୀ ଘଟଣାସ୍ଥଳରେ ପହଞ୍ଚିଛନ୍ତି । କିପରି ଓ କେଉଁ ପରିସ୍ଥିତିରେ ହାତୀର ମୃତ୍ୟୁ ଘଟିଲା ସେନେଇ ବିଭାଗ ପକ୍ଷରୁ ତଦନ୍ତ ଆରମ୍ଭ ହୋଇଛି ।
