ବହୁତ ଚତୁର ହୋଇଥାନ୍ତି ଏହି ନାମ ବିଶିଷ୍ଟ ପିଲା ! ସଦାସର୍ବଦା ମାତା ପିତାଙ୍କୁ ଗୌରବାନ୍ଵୀତ କରାଇଥାନ୍ତି

ଜ୍ୟୋତିଷ ଶାସ୍ତ୍ର ଅନୁସାରେ ବ୍ୟକ୍ତିର ରାଶି ଅନୁସାରେ ତାର ବ୍ୟକ୍ତିତ୍ଵ, ଚରିତ୍ର , ଭବିଷ୍ୟତ ବିଷୟରେ ଜାଣି ହୋଇଥାଏ। ସେହିପରି ନାମର ପ୍ରଥମ ଅକ୍ଷରରୁ ମଧ୍ୟ ବ୍ୟକ୍ତିର ବ୍ୟକ୍ତିତ୍ଵ, ଚରିତ୍ର, ଚାଲିଚଳନ, ଭବିଷ୍ୟତ ବିଷୟରେ ଜାଣି ହୋଇଥାଏ। ଆଜି ଆମେ ଆପଣଙ୍କୁ କିଛି ଖାସ ନାମ ବିଶିଷ୍ଟ ପିଲାମାନଙ୍କ ବିଷୟରେ କହିବାକୁ ଯାଉଛୁ, ଯେଉଁମାନେ ଛୋଟ ବେଳୁ ବହୁତ ଚତୁର ଓ ବୁଦ୍ଧିମାନ ହୋଇଥାନ୍ତି। ଏହାସହିତ ସେମାନଙ୍କ ମସ୍ତିଷ୍କ ତୀକ୍ଷ୍ଣ ଓ ଜ୍ଞାନୀ ହୋଇଥାଏ।

A ନାମ ଥିବା ପିଲାମାନେ :-

ଯେଉଁ ପିଲାମାନଙ୍କର ନାମର ପ୍ରଥମ ଅକ୍ଷର A ରୁ ଆରମ୍ଭ ହୋଇଥାଏ, ସେମାନେ ବହୁତ ତୀକ୍ଷ୍ଣ ମସ୍ତିଷ୍କ ହୋଇଥାନ୍ତି। ଏମାନେ ପାଠପଢା ପ୍ରତି ବହୁତ ଗମ୍ଭୀର ହୋଇଥାନ୍ତି। ଏମାନେ ନିଜ ପିତାମାତାଙ୍କ ପାଇଁ ଗୌରବ ହୋଇଥାନ୍ତି। କୌଣସି ଜିନିଷକୁ ଜଣେ ବୁଦ୍ଧିମାନ ବ୍ୟକ୍ତି ଭଳି ଏମାନେ ବିଚାର କରିଥାନ୍ତି। ରାଜନୀତି ଓ ବ୍ୟବସାୟ ଦିଗରେ ଏମାନେ ଅଗ୍ରସର ହୋଇଥାନ୍ତି। ଜୀବନରେ ଏହି ନାମ ବିଶିଷ୍ଟ ପିଲାମାନେ ଖୁବ୍ ଅଳ୍ପ ବୟସରୁ ସଫଳତାର ଶୀର୍ଷରେ ପହଞ୍ଚି ଥାଆନ୍ତି।

K ନାମ ଥିବା ପିଲାମାନେ :-

ଯେଉଁ ପିଲାମାନଙ୍କର ନାମର ପ୍ରଥମ ଅକ୍ଷର K ରୁ ଆରମ୍ଭ ହୋଇଥାଏ, ସେମାନଙ୍କ ମଧ୍ୟରେ କଳା ଓ ବିଦ୍ୟା ଭରି ରହିଥାଏ। ଏମାନେ ନିଜର କଠିନ ପରିଶ୍ରମ ବଳରେ ସମାଜରେ ନିଜର ସ୍ଵତନ୍ତ୍ର ପରିଚୟ ସୃଷ୍ଟି କରିଥାନ୍ତି। ଜୀବନରେ ଏମାନେ ବୁଝି ବିଚାରି କୌଣସି ନିଷ୍ପତ୍ତି ନେଇ ଥାଆନ୍ତି। ଏମାନଙ୍କର ଆତ୍ମବିଶ୍ବାସ ଏମାନଙ୍କୁ ସବୁ କ୍ଷେତ୍ରରେ ସଫଳତା ପ୍ରାପ୍ତ କରିବାରେ ସହାୟକ ହୋଇଥାଏ। ଏହି ଅକ୍ଷର ବିଶିଷ୍ଟ ପିଲାମାନେ ସରକାରୀ ଚାକିରି କରି ଜୀବନରେ ଆଗକୁ ବଢ଼ି ଥାଆନ୍ତି।

P ନାମ ଥିବା ପିଲାମାନେ :-

ଯେଉଁ ପିଲାମାନଙ୍କର ନାମର ପ୍ରଥମ ଅକ୍ଷର P ରୁ ଆରମ୍ଭ ହୋଇଥାଏ, ସେମାନେ ସ୍ବଭାବରୁ ବହୁତ ଉତ୍ତମ ଓ ବୁଦ୍ଧିମାନ ହୋଇଥାନ୍ତି। ଏମାନେ ନିଜ ବୁଦ୍ଧି ପ୍ରୟୋଗ କରି କୌଣସି କଠିନ ପରିସ୍ଥିତିରୁ ବାହାରି ଆସିଥାନ୍ତି। ଏମାନଙ୍କର ଉତ୍ତମ ସ୍ଵଭାବ ଯୋଗୁଁ ସମସ୍ତେ ଏମାନଙ୍କ ଆଡ଼କୁ ଆକର୍ଷିତ ହୋଇଥାନ୍ତି। ରାଜନୀତି, ମାର୍କେଟିଂ କ୍ଷେତ୍ରରେ ଏମାନେ ନିଜର କ୍ୟାରିୟର ବନେଇ ଥାଆନ୍ତି। ଏମାନେ ନିଜ ଲକ୍ଷ୍ୟସ୍ଥଳକୁ ପହଞ୍ଚିବା ପାଇଁ କଠିନ ପରିଶ୍ରମ କରି ସଫଳ ହୋଇଥାନ୍ତି।

R ନାମ ଥିବା ପିଲାମାନେ :-

ଯେଉଁ ପିଲାମାନଙ୍କର ନାମର ପ୍ରଥମ ଅକ୍ଷର R ରୁ ଆରମ୍ଭ ହୋଇଥାଏ, ସେମାନେ ଜୀବନରେ ହାରିବା ପାଇଁ ପସନ୍ଦ କରନ୍ତି ନାହିଁ। ଏମାନେ ସବୁ କ୍ଷେତ୍ରରେ ଉଚ୍ଚରେ ରହିବା ପାଇଁ ପସନ୍ଦ କରିଥାନ୍ତି। ଏମାନେ ନିଜ ଜୀବନର ସବୁ ସମସ୍ୟାକୁ ନିଜ ବୁଦ୍ଧି ବଳରେ ସମାପ୍ତ କରି ଦେଇଥାନ୍ତି। ଏହି ଅକ୍ଷର ବିଶିଷ୍ଟ ପିଲାମାନେ ବିଚକ୍ଷଣ ବୁଦ୍ଧି ବିଶିଷ୍ଟ ହୋଇଥାନ୍ତି।