ଗାଣ୍ଡାଡ଼ିହି ବଜାର ରେ ବନ୍ଦ ହେଲା ଖୁଡଖୁଡି ଖେଳ
ରାଇଘର : ନବରଙ୍ଗପୁର ଜିଲ୍ଲା ରାଇଘର ବ୍ଲକ ଅନ୍ତର୍ଗତ ଗାଣ୍ଡାଡ଼ିହି ବଜାରରେ ଖୁଲମ ଖୁଲା ଚାଲିଥିଲା ଖୁଡଖୁଡି ଖେଳ । ଏହି ଖବର ପ୍ରକାଶିତ ହେବା ପରେ ରାଇଘର ପୋଲିସ ର ନିଦ ଭାଙ୍ଗିଲା ବନ୍ଦ କରେଇଲେ ଖୁଡ଼ଖୁଡି ଜୁଆ ଖେଳ । ସୂଚନା ଅନୁଯାଇ ରାଇଘର ଥାନା ରେ ନୂତନ ଭାବେ ଯୋଗ ଦେଇଥିବା ଥାନା ଅଧିକାରୀ ଗୋବିନ୍ଦ ଚନ୍ଦ୍ର ବୁରୁଦା ଆଜି ପୋଲିସ ଟିମ ଧରି ଦୁଇଦୁଇ ଥର ଗାଣ୍ଡାଡ଼ିହି ବଜାର ଉପରେ ଚଢ଼ାଉ କରି ଥିଲେ ଅବାଧ ରେ ବିକ୍ରି ହଉଥିବା ମଦ ଜବତ କରି ଥିଲେ ପୋଲିସ କୁ ଦେଖି ମଦ ବେପାରୀ ଦୌଡ଼ି ପଳେଇ ଥିଲେ । ପୋଲିସ ର ଚଢ଼ାଉ ସୂଚନା ପାଇଁ ଖୁଡ଼ଖୁଡି ଜୁଆ ଖେଳ ବନ୍ଦ କରିଦେଇଥିଲେ ଖେଳାଳି । ମଦ ଜୁଆ କାରବାର ପାଇଁ ଅନେକ ପରିବାରରେ ପାରିବାରିକ ଅଶାନ୍ତି ସୃଷ୍ଟି କରୁଥିବା ବେଳେ ରାଇଘର ବ୍ଲକରେ ଦିନ ଦ୍ୱିପହରରେ ଖୁଡ ଖୁଡି ଜୁଆ ଖେଳ ଲାଗି ରହିଛି । ଫଳରେ ଅନେକାଂଶ ପରିବାରରେ ଅଶାନ୍ତିର ନିଆଁ ଲାଗି ରହିଛି । ଏହି ଖୁଡ ଖୁଡି ଜୁଆ ଖେଳ କିଛି ଲୋକଙ୍କ ପାଇଁ ଖେଳ ହୋଇଥିବା ବେଳେ ଗରିବ ଶ୍ରେଣୀର ପରିବାର ପାଈଁ କାଳ ସାଜୁଛି । ପୋଲିସ ର ଏହିପରି ଚଢ଼ାଉ କୁ ବୁଦ୍ଧିଯିବି ମହଳ ପ୍ରସଂଶା କରିଛନ୍ତି । ଯଦି ପୋଲିସ ତାର ଏହିପରି ସମାଜର ମଙ୍ଗଳ ସକାଶେ ଏହିପରି ଚଢ଼ାଉ ସବୁବେଳେ କରେ ତାହାହେଲେ ଜୁଆ ଖୁଡ଼ଖୁଡି ଖେଳ ରେ ପଇସା ବାଜି ଲଗେଇ ସର୍ବଶାନ୍ତ ହୋଇ ଘରକୁ ଫେରିବା ପରେ ଯେଉଭଳି ଅସାନ୍ତି ଗଣ୍ଡଗୋଳ ରୁ ଅଘଟଣ ଭଳି ଘଟଣା ଆଉ ଦେଖିବାକୁ ମିଳିବନି ବୋଲି ସାଧାରଣ ରେ ଆଲୋଚନା ହଉଛି । ନୂତନ ଥାନାଅଧିକାରୀ ଙ୍କ ଏହିଭଳି ପଦକ୍ଷେପ କୁ ସାଧାରଣ ରେ ପ୍ରଶଂସା ହେଉଥିବା ଦେଖିବାକୁ ମିଳିଛି ।
