କୁରୁଣ୍ଟା ପଞ୍ଚାୟତରେ ଭାଜପାର ସମୀକ୍ଷା ବୈଠକ

ଖଇରା : ବାଲେଶ୍ୱର ଜିଲା ଖଇରା ବ୍ଲକ ଅଧୀନ କୁରୁଣ୍ଟା ପଞ୍ଚାୟତ ମିରିପୁର ଖଇରା ଗ୍ରାମରେ ଭାଜପାର ଏକ ସମୀକ୍ଷା ବୈଠକ ଅନୁଷ୍ଠିତ ହୋଇ ଯାଇଛି । ଭଜପା ଯୁବନେତା ତଥା ଜିଲା ପରିଷଦ ପ୍ରାର୍ଥୀ ଇଂ ରାଜେଶ ମହାକୁଡ ଯୋଗ ଦେଇ ଗ୍ରାମ ସାହୁ ସାହିର ଲୋକଙ୍କ ବିଭିନ୍ନ ସମସ୍ୟା ପଚାରି ବୁଝିଥିଲେ । ଗ୍ରାମର ବହୁ ହିତାଧିକାରୀ ଭତ୍ତା,ରେସନକାର୍ଡ ଭଳି ବିଭିନ୍ନ ସରକାରୀ ଯୋଜନାରୁ ବଞ୍ଚିତ ହୋଇଥିବାରୁ ପ୍ରଶାସନ ନଜରକୁ ଆଣି ସହାୟତା ପ୍ରଦାନ କରିବାକୁ ପ୍ରତିଶୃତି ଦେଇଥିଲେ । ଗ୍ରାମରେ ଥିବା ଏକ ପୁରୁଣା ମନ୍ଦିର ଚତୁପାଶ୍ୱର୍ରେ ବର୍ଷାଜଳ ଅନେକ ସମୟରେ ଜମି ରହିବା ବିଷୟ ଗ୍ରାମବାସୀ ଉଠାଇବା ପରେ ଏହାର ପ୍ରତିକାର ନିଜ ଅର୍ଥରେ କରିବାକୁ ପ୍ରତିଶୃତି ଦେଇଥିଲେ । ବିଗତ ନିର୍ବଚନରେ ପରାଜୟ ସତ୍ୱେ ଇଂ ମହାକୁଡ ଲୋକଙ୍କ ନିକଟରେ ପହଞ୍ଚି ସମସ୍ୟା ବୁଝିଥିବାରୁ ସ୍ଥାନୀୟ ବାସିନ୍ଦା ଆତ୍ମସନ୍ତୋଷ ପ୍ରକାଶ କରିଥିଲେ । କୁରୁଣ୍ଟା ସରପଞ୍ଚ ରଘୁନାଥ ଜେନା,ସମତିସଭ୍ୟା ପ୍ରତିନିଧି ବସନ୍ତ କୁମାର ମାଝୀ,ପଞ୍ଚାୟତ ସଭାପତି ଜୟନ୍ତ ମହାପାତ୍ର,ମାନସ ବେହେରା,କମଳଲୋଚନ ପ୍ରଧାନ,ଅକ୍ଷୟ କୁମାର ଦାସ,ଲମ୍ବୋଦର ବେହେରା,କୈବଲ୍ୟ ଦତ୍ତ,ମହେନ୍ଦ୍ର ବାରିକ ଗୋଲକ ବାରିକ,ଗଜେନ୍ଦ୍ର ଗୋଛାୟତ ପ୍ରମୁଖ ଉପସ୍ଥିତ ଥିଲେ ।