ମହଙ୍ଗା ପଡ଼ିଲା ଛାତ୍ରୀଙ୍କୁ କମେଣ୍ଟ ମରା; ରୋଡ଼ ରୋମିଓକୁ ଖୁଣ୍ଟିରେ ବାନ୍ଧି ମାଡ଼

ବାଲେଶ୍ୱର : ମହଙ୍ଗା ପଡ଼ିଲା ଛାତ୍ରୀଙ୍କୁ କମେଣ୍ଟ ମରା । ରୋଡ଼ ରୋମିଓକୁ ଖୁଣ୍ଟିରେ ବାନ୍ଧି ନିସ୍ତୁକ ମାଡ଼ । ଏପରି ଏକ ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲା ଜଳେଶ୍ୱର ଅଞ୍ଚଳରେ ।

ସୂଚନା ଯେ, ଜଳେଶ୍ୱର ବାଘାବାଳି ନିକଟରେ ୪ ଜଣ କଲେଜ ଛାତ୍ରୀ ଘରକୁ ଫେରିବା ସମୟରେ ଜଣେ ମଦ୍ୟପ ରୋଡ୍ ରୋମିଓ ବାଇକ୍‌ରେ ଆସି କମେଣ୍ଟ ମାରିବା ସହ ଅସଦାଚାରଣ କରିଥିଲେ । ଘଟଣା ବାବଦରେ ଗିରି ସାହି ଅଙ୍ଗନୱାଡ଼ି ସହାୟିକା ଜ୍ୟୋତ୍ସ୍ନା ରାଣୀ ମଣ୍ଡଳ ଜାଣିବା ପରେ ଉକ୍ତ ମଦ୍ୟପ ଯୁବକଙ୍କୁ ଅଟକାଇ ପୋଲିସକୁ ଖବର ଦେଇଥିଲେ । ପୋଲିସ ବିଳମ୍ବ ରେ ପହଞ୍ôଚବାରୁ ସ୍ଥାନୀୟ ଲୋକମାନେ ଯୁବକଙ୍କୁ ଅଟକ ରଖିବା ସହ ଏକ ଖୁଣ୍ଟିରେ ବାନ୍ଧି ମାଡ଼ ମାରିଥିଲେ । ପରେ ପୋଲିସ ଘଟଣାସ୍ଥଳରେ ପହଞ୍ôଚ ଯୁବକଙ୍କୁ ଉଦ୍ଧାର କରି ଥାନାକୁ ନେଇଥିବାର ଜଣାପଡ଼ିଛି ।