ସେଲ୍ଫି ପଏଣ୍ଟ ‘ଆଇ ଲଭ୍ ଭଦ୍ରକ’ ଉଦଘାଟିତ
ଭଦ୍ରକ : ଭଦ୍ରକ ସହରକୁ ସୌନ୍ଦର୍ଯ୍ୟ କରଣ କରିବା ପାଇଁ ମଙ୍ଗଳବାର ଆଇ ଲଭ୍ ଭଦ୍ରକର ଶୁଭ ଉଦଘାଟନ ହୋଇଯାଇଛି । ଭଦ୍ରକ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସେଲ୍ଫି ପଏଣ୍ଟକୁ ଭଦ୍ରକ ସାଂସଦ ଓ ବିଧାୟକ ଉଦଘାଟନ କରିଥିଲେ । ଭଦ୍ରକ ସହରକୁ ସୌନ୍ଦର୍ଯ୍ୟ କରଣ କରିବା ପାଇଁ ଭଦ୍ରକ ବିଧାୟକଙ୍କ ଏଭଳି ପ୍ରୟାସକୁ ସାଧାରଣରେ ସ୍ବାଗତ କରାଯାଇଛି । ଏହି ସେଲ୍ଫି ପଏଣ୍ଟଟି ଯୁବକମାନଙ୍କୁ ଆକୃଷ୍ଟ କରିବା ପାଇଁ ଉନ୍ନତ ମାନର ଲାଇଟ୍ ସହ ଅତ୍ୟାଧୁନିକ ପ୍ରଣାଳୀରେ ଘାସ ଗାଲିଚା ଲଗାଯାଇଛି ।
ଭଦ୍ରକ ସହରକୁ କିପରି ସରସ ସୁନ୍ଦର କରାଯାଇପାରିବ, ସେଥିନେଇ ଧୀରେ ଧୀରେ ସମସ୍ତ ପ୍ରକଳ୍ପଗୁଡିକ କାର୍ଯ୍ୟକାରୀ କରାଯାଉଛି । ଆଗାମୀ ଦିନମାନଙ୍କରେ ଅନେକ ପ୍ରକଳ୍ପ ହାତକୁ ନିଆଯିବ ବୋଲି ଭଦ୍ରକ ବିଧାୟକ କହିଛନ୍ତି । ଆଜିର ଏହି ଉଦଘାଟନ କାର୍ଯ୍ୟକ୍ରମରେ ବହୁ ଜନସାଧାରଣ ଯୋଗ ଦେଇଥିଲେ
