ଟ୍ରେନ ଧକ୍କାରେ ଜଣେ ମୃତ
ଭଦ୍ରକ : ଟ୍ରେନ ଧକ୍କାରେ ଜଣେ ମୃତ । ଭଦ୍ରକ ଜିଲା ଧାମରା ରେଳ ଲାଇନରେ କଟିଗଲେ ନୂଆଗାଁ ଅଂଚଳର କୁଲୁ ଖିଲାର (୪୦)। ସୋମବାର ବିଳମ୍ବିତ ରାତ୍ରିରେ ଏହି ଦୁର୍ଘଟଣା ଘଟାଇଥିବାର ଜଣାପଡିଛି ।
ସୂଚନା ଯେ, କୁଲୁ ଚିଙ୍ଗୁଡ଼ି ପ୍ଲାଣ୍ଟରେ କାର୍ଯ୍ୟ କରୁଥିଲେ । ସୋମବାର ବିଳମ୍ବିତ ରାତ୍ରିରେ ନିଜ ଘରକୁ ସେ ଖାଇବା ପାଇଁ ଆସିଥିଲେ । ଖାଇସାରି ଘରୁ ଚିଙ୍ଗୁଡ଼ି ଘେରିକୁ ଫେରୁଥିବା ସମୟରେ ଏହି ଦୁର୍ଘଟଣା ଘଟିଥିଲା । ଏହି ସମୟରେ ଧାମରାରୁ ମାଲବାହୀ ରେଳ ଉକ୍ତ ବ୍ୟକ୍ତିଙ୍କୁ ଧକ୍କା ଦେଇଥିଲା । ଫଳରେ କୁଲୁ ଖିଲାରଙ୍କର ମୃତ୍ୟୁ ହୋଇଥିଲା। ମଙ୍ଗଳବାର ସକାଳେ ପରିବାର ଲୋକେ ଖବର ପାଇ ଉକ୍ତ ସ୍ଥାନରେ ପହଞ୍ଚି ମୃତଦେହକୁ ଚିହ୍ନଟ କରିଥିଲେ । ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି।
