ଶ୍ରୀମନ୍ଦିର ବ୍ୟାରିକେଡ୍ ଫାଙ୍କରେ ମୁଣ୍ଡ ପୁରାଇଦେଲା ୪ବର୍ଷର ଶିଶୁ
ପୁରୀ : ଶ୍ରୀମନ୍ଦିର ଦୋଳବେଦୀକୋଣ ଜୋତାଷ୍ଟାଣ୍ଡ ପାଖରେ ଅଭାବନୀୟ ଘଟଣା। ଜୋତାଷ୍ଟାଣ୍ଡ ବାରିକେଡ଼ ଫାଙ୍କରେ ପ୍ରାୟ ଅଧଘଣ୍ଟାଏ କାଳ ମୁଣ୍ଡ ପୁରାଇ ଫସିଗଲା ୪ ବର୍ଷର ଶିଶୁ କନ୍ୟା । ତେବେ ସ୍ଥାନୀୟ ଲୋକଙ୍କ ସହଯୋଗ, ପୋଲିସ କର୍ମଚାରୀ ଓ ଅଗ୍ନିଶମ ବାହିନୀର ମିଳିତ ଉଦ୍ୟମରେ ଶିଶୁ କନ୍ୟାଟିକୁ ଉଦ୍ଧାର କରାଯାଇଥିଲା ।
ସୂଚନାଯୋଗ୍ୟ ଯେ, କଳାହାଣ୍ଡି ଭବାନୀପାଟଣାର ଅଗ୍ନି ଅମ୍ବିକା ରଥ ପରିବାର ସହିତ ଶନିବାର ଶ୍ରୀଜିଉଙ୍କ ଦର୍ଶନ ପାଇଁ ପୁରୀ ଆସିଥିଲେ । ଶ୍ରୀଜିଉଙ୍କ ଦର୍ଶନ ସାରି ଫେରିବା ପରେ ଜୋତାଷ୍ଟାଣ୍ଡରୁ ଜୋତା ଆଣିବା ବେଳେ ତାଙ୍କ ଶିଶୁ କନ୍ୟା ଅନ୍ୟ ମନସ୍କରେ ବାରିକେଡ଼ ଫାଙ୍କ ଭିତରେ ମୁଣ୍ଡ ପୁରେଇ ଦେଇଥିଲା ।
