ବରଯାତ୍ରୀଙ୍କ ଛୁରାମାଡ଼ରେ ଦୁଇ ଗୁରୁତର
ବଲାଙ୍ଗିର : ବରଯାତ୍ରୀଙ୍କ ଛୁରାମାଡ଼ରେ କନ୍ୟା ପକ୍ଷର ଦୁଇ ଜଣ ଗୁରୁତର ହୋଇଛନ୍ତି । ବଲାଙ୍ଗିର ଜିଲ୍ଲା ତୁରେଇକେଲା ଥାନା ଅନ୍ତର୍ଗତ ମୁରିବାହାଲ ଗ୍ରାମରେ ଘଟିଯାଇଛି ଏଭଳି ଏକ ଅଭାବନୀୟ ଘଟଣା । ଗୁରୁତର ଦ୍ୱୟଙ୍କୁ ଚିକିତ୍ସା ନିମନ୍ତେ ରାୟପୁର ସ୍ଥିତ ଏକ ମେଡ଼ିକାଲରେ ଭର୍ତି କରାଯାଇଛି । ଏ ସମ୍ପର୍କରେ ତୁରେଇକେଲା ଥାନାରେ ଏତଲା ହୋଇଛି । ବରଯାତ୍ରୀଙ୍କ ପକ୍ଷରୁ ୪ ଜଣଙ୍କୁ ଥାନାରେ ଅଟକ ରଖି ଘଟଣା ବାବଦରେ ପଚରା ଉଚରା ଚଳାଇଛି ପୋଲିସ ।
