୧୫ଟି ନିମ୍ବ ଗଣ୍ଡି ନେଇଯାଉଥିବା ଟ୍ରାକ୍ଟର ଜବତ
ବଲାଙ୍ଗିର : ଗତକାଲି ରାତି ପ୍ରାୟ ୭ଟା ସମୟରେ ବଲାଙ୍ଗୀର ରେଞ୍ଜ ର କର୍ମଚାରୀମାନେ ହର୍ଡ଼ଟାଲ ବିଭାଗର ବ୍ରାହ୍ମଣୀଡୁଙ୍ଗୁରୀ ଗ୍ରାମ ନିକଟରେ ୧୫ ଟି ନିମ୍ବ ଗଣ୍ଡି ନେଇଯାଉଥିବା ଏକ ଟ୍ରାକ୍ଟର ନମ୍ବର(ଓଆର୦୩ଜେ-୦୨୫୮) କୁ ଜବତ କରିଥିଲେ । ଅଭିଯୁକ୍ତ ଘଟଣାସ୍ଥଳରୁ ପଳାଇ ଯାଇଥିଲେ । ଜବତ ସାମଗ୍ରୀକୁ ରେଞ୍ଜ ଅଫିସ୍ କ୍ୟାମ୍ପସକୁ ଅଣାଯାଇଥିଲା । ଏନେଇ ଅଧିକ ଅନୁସନ୍ଧାନ ଚାଲିଛି । ରେଞ୍ଜ ଅଧିକାରୀ କେଶବ କିଶୋର ନାୟକଙ୍କ ନେତୃତ୍ୱରେ ଡେପୁଟି ରେଞ୍ଜର ସୁନୀଲ ମିଶ୍ର, ଫରେଷ୍ଟର ବ୍ୟାସଦେବ ସାହୁ, ଫରେଷ୍ଟର ଭବାନୀ ସ୍ୱାଇଁ ଏବଂ ଫରେଷ୍ଟ ଗାର୍ଡ ରଣଜିତ୍ କୁମ୍ଭାରଙ୍କ ସହିତ ବଲାଙ୍ଗୀର ରେଞ୍ଜ ର ପାରା ଷ୍ଟାଫ୍ ଏହି ଚଢଉରେ ସାମିଲ ଥିଲେ ।
