ବଲାଙ୍ଗୀର ରେଳଷ୍ଟେସନ ରାସ୍ତାରେ ଯୁବକକୁ ମରଣାନ୍ତକ ଆକ୍ରମଣ
ବଲାଙ୍ଗୀର : ବଲାଙ୍ଗୀର ରାଜେନ୍ଦ୍ର ବିଶ୍ୱବିଦ୍ୟାଳୟରେ ଦୁଇଜଣ ଛାତ୍ରଙ୍କୁ ଗୁରୁବାର ଦିନ ଆକ୍ରମଣ କରିଥିବା ତାତି ଥମିନଥିବାବେଳେ ଆଜି ଦିନ ଦ୍ୱିପ୍ରହରରେ ବଲାଙ୍ଗୀର ରେଳଷ୍ଟେସନ ରାସ୍ତାର ଇନ୍ଦ୍ରପ୍ରସ୍ତ ହୋଟେଲ ପାଖରେ ପାନଦୋକାନ ଦେଇଥିବା ଦେଇଥିବା ଜଣେ ଦୋକାନୀ ପାଲେସ ଲାଇନ୍ର ପ୍ରେମ ପ୍ରକାଶ ନାୟକଙ୍କୁ ସଂଘବଦ୍ଧ ଭାବରେ ଖଣ୍ଡାରେ ମାରନାନ୍ତକ ଆକ୍ରମଣ କାରଣରୁ ଗୁରୁତର ହୋଇପଡ଼ିଛନ୍ତି । ଖବର ପାଇ ବଲାଙ୍ଗୀର ଟାଉନ ପୋଲିସ ଯୁବକକୁ ଉଦ୍ଧାର କରି ସ୍ଥାନୀୟ ଭୀମଭୋଇ ମେଡ଼ିକାଲ କଲେଜ ହସ୍ପିଟାଲରେ ଚିକିତ୍ସା ପାଇଁ ଭର୍ତି କରାଯାଇଛି । ଗଣ୍ଡଗୋଳର କାରଣ ଜଣାପଡ଼ିନଥିବାବେଳେ ପୁରାତନ ଶତ୍ରୁତାକୁ ନେଇ ଏହା ହୋଇଥିବା କୁହାଯାଉଛି । ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ଜଣାପଡ଼ିଛି । ବଲାଙ୍ଗୀରରେ କଥା କଥାରେ ଖଣ୍ଡା ବୁଲିବା ଅସାମାଜିକ ତତ୍ୱମାନଙ୍କ ଉତ୍ପାତ, ଚୋରି, ରାହାଜାନୀ ବଢ଼ିଥିଲେ ମଧ୍ୟ ପୋଲିସ ଜନସାଧାରଣଙ୍କୁ ସୁରକ୍ଷା ଯୋଗାଇ ଦେବାରେ ବିଫଳ ହେଉଥିବା ଯୋଗୁଁ ଜନ ଅସନ୍ତୋଷ ଦେଖାଯାଉଛି ।
