ବିରୂପା ନଦୀ ବ୍ୟାରେଜରୁ ୫ ଫୁଟିଆ ଅଜଗର ଉଦ୍ଧାର
କଟକ : କଟକ ଜିଲା ଚୌଦ୍ୱାର ବିରୂପା ନଦୀ ବ୍ୟାରେଜ ବନ୍ଧରୁ ବିରାଟ ଅଜଗର ସାପ ଉଦ୍ଧାର। ବ୍ରିଜ୍ରେ ଦୀର୍ଘ ସମୟ ଧରି ଫସି ରହିଥିବା ଏକ ୧୫ ଫୁଟର ଅଜଗର ସାପକୁ ଉଦ୍ଧାର କରାଯାଇଛି।
ଉକ୍ତ ବ୍ୟାରେଜ ବନ୍ଧରେ ଅଜଗର ସାପଟି ଫସି ରହିଥିବା ନେଇ ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏନେଇ ସେମାନେ ବନବିଭାଗକୁ ଖବର ଦେଇଥିଲେ । ଖବରପାଇ ଚୌଦ୍ୱାର ବନଖଣ୍ଡ କର୍ମଚାରୀ ତ୍ରିଲୋଚନ ବେହେରା ଓ ସ୍ନେକ ହେଲପ ଲାଇନ୍ ଟିମ୍ର ସଦସ୍ୟ ଶୁଭମ କୁମାର ପରିଜା ଘଟଣାସ୍ଥଳରେ ପହଞ୍ଚିଥିଲେ । ଦୀର୍ଘ ସମୟ ଉଦ୍ୟମ କରିବା ପରେ ଅଜଗର ସାପକୁ ଧରିବାରେ ସଫଳ ହୋଇଥିଲେ । ସାପଟିର ସ୍ୱାସ୍ଥ୍ୟବସ୍ଥା ଯାଞ୍ଚ ପରେ ଚୌଦ୍ୱାର ସ୍ଥିତ ଡ଼ମଣି ଜଙ୍ଗଲରେ ଛଡ଼ାଯିବ ବୋଲି ଚୌଦ୍ୱାର ବନଖଣ୍ଡର ବନପାଳ ମନୋରମା ହୋତା କହିଛନ୍ତି ।
