ଯୁବତୀଙ୍କୁ ନିଶା ଦେଇ ବଳାତ୍କାର, ଯୁବକଙ୍କୁ ଅଟକ ରଖି ଛେଚିଲେ ଲୋକେ
ବାଲେଶ୍ୱର : ବାଲେଶ୍ୱର ଜିଲା ନୀଳଗିରି ଥାନା ଅଞ୍ଚଳରେ ଅଭାବନୀୟ ଘଟଣା। କାମ ଦେବା ବାହାନାରେ ନିଶା ଦେଇ ଯୁବତୀଙ୍କୁ ବଳାତ୍କାର ନେଇ ଅଭିଯୋଗ । ଯୁବକଙ୍କୁ ଅଟକ ରଖି ନିର୍ଦ୍ଧୁମ ଛେଚିଲେ ଲୋକେ । ପରେ ପୋଲିସରେ ହସ୍ତାନ୍ତର କରାଯାଇଛି ।
ସୂଚନା ଯେ, ଖନ୍ତାପଡା ଥାନା ଅଞ୍ଚଳର ଜଣେ ଯୁବତୀଙ୍କୁ ଜୟପୁର ଅଞ୍ଚଳର ଯୁବକ ରାଜମିସ୍ତ୍ରୀ କାମ ଦେବା ବାହାନାରେ ସାଙ୍ଗରେ ନେଇଥିଲେ । ହେଲେ କାମ ବଦଳରେ ତାଙ୍କୁ ନିଶା ଦେଇ ବାରମ୍ବାର ବଳାତ୍କାର କରିଥିବା ନେଇ ଯୁବତୀ ଜଣକ ପରିବାର ଲୋକଙ୍କୁ କହିଥିଲେ । ଯୁବତୀ ଜଣଙ୍କୁ ତାଙ୍କ ବାପା-ମା’ ରହୁଥିବା ନୀଳଗିରି ଥାନା ଅଞ୍ଚଳରେ ଗତ ଶନିବାର ରାତିରେ ଯୁବକ ଛାଡିବାକୁ ଆସିଥିବାବେଳେ ଝିଅ କାନ୍ଦି କାନ୍ଦି ବାପାମାଆଙ୍କୁ ଜଣାଇଥିଲେ । ପରେ ସ୍ଥାନୀୟ ଲୋକେ ଏକଜୁଟ ହୋଇ ଯୁବକଙ୍କୁ ଅଟକ ରଖି ନିର୍ଦ୍ଧୁମ ମାଡ ମାରିବା ସହ ନୀଳଗିରି ଥାନାକୁ ଖବର ଦେଇଥିଲେ । ପରେ ପୋଲିସ ପହଞ୍ଚି ରାଜମିସ୍ତ୍ରୀଙ୍କୁ ଅଟକ ରଖିଛି ।
