ରକ୍ତଦାନ କରି ମହିଳାଙ୍କ ଜୀବନ ବଞ୍ଚାଇଲେ ଯୁବ ସମାଜସେବୀ
ନବରଙ୍ଗପୁର : ନବରଙ୍ଗପୁର ଜିଲ୍ଲା ନାନ୍ଦାହାଣ୍ଡି ବ୍ଲକ୍ ଅନ୍ତର୍ଗତ ସାଗରମୁଣ୍ଡା ଅଞ୍ଚଳର ଜନୈକ ଗର୍ଭ ନଷ୍ଟ ହୋଇ ରକ୍ତ ହୀନତା ଜନିତ ପୀଡ଼ିତ ମହିଳାଙ୍କୁ ରକ୍ତଦାନ କରି ଜୀବନ ବଞ୍ଚାଇବାକୁ ଯାଇ ରକ୍ତଦାନ କରିଛିନ୍ତି ଜଣେ ଯୁବ ସମାଜସେବୀ । କାହୁଁ ଚରଣ ପାତ୍ର ନବରଙ୍ଗପୁର ସ୍ଥିତ ରାଜୁ ସାହି ବାସିନ୍ଦା ହୋଇଥିବା ବେଳେ ପୁର୍ବରୁ ଅନେକ ଥର ରକ୍ତଦାନ କରି ମହାନତା ପ୍ରଦର୍ଶ୍ନନ କରିଛନ୍ତି । କିଛି ବର୍ଷ ପୂର୍ବେ ଗାନ୍ଧୀନଗରର ଏକ ନିରାଶ୍ରୟ ବୃଦ୍ଧା ଦମ୍ପତିଙ୍କୁ ମାଗଣା ଦୁଇ ବର୍ଷ ପର୍ଯ୍ୟନ୍ତ ରାସନ୍ ଦେଈ ଚର୍ଚ୍ଚା ପରିସରକୁ ଆସିଥିଲେ । ଆଜି ଟୋଭା ଗୌଡ ନାମକ ମହିଳାଙ୍କ ଛଅ ମାସର ଗର୍ଭ ନଷ୍ଟ ହୋଇ ରକ୍ତ ଅଭାବ ସମୟରେ ଶ୍ରୀ ପାତ୍ର ରକ୍ତଦାନ କରି ସହରର ସମସ୍ତଙ୍କ ପ୍ରସଂସାର ପାତ୍ର ପାଲଟିଛନ୍ତି ।
