କେନାଲରୁ ଯୁବକଙ୍କ ମୃତଦେହ ଉଦ୍ଧାର
ଯାଜପୁର : ଯାଜପୁର ଜିଲା ବଡ଼ଚଣା ଥାନା ଅଧୀନ ଖୋସାଲିପୁର ଠାରେ ଏକ ଅଘଟଣ ଦେଖିବାକୁ ମିଳିଛି । ଖୋସାଲିପୁର ଠାରେ ଥିବା ହାଇଲେବୁଲ କେନାଲରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି ।
ସୂଚନା ଯେ, ଯୁବକଙ୍କ ମୃତଦେହ କେନାଲରେ ଭାସୁଥିବାର ଲୋକେ ଦେଖିବାକୁ ପାଇଥିଲେ । ଏ ନେଇ ସ୍ଥାନୀୟ ଲୋକେ ପୋଲିସକୁ ଜଣାଇ ଥିଲେ । ଘଟଣାସ୍ଥଳରେ ଧାନମଣ୍ଡଳ ଫାଣ୍ଡି ପୋଲିସ ଉପସ୍ଥିତିରେ ଚଣ୍ଡିଖୋଲ ଅଗ୍ନିଶମ ବାହିନୀ ପହଁଚି ମୃତଦେହକୁ କେନାଲରୁ ଉଦ୍ଧାର କରିଥିଲା । ମୃତ ଯୁବକ ଜଣଙ୍କ ସ୍ଥାନୀୟ ଅଞ୍ଚଳର ନାନୋ ହେମ୍ବ୍ରମ ବୋଲି ଜଣାପଡିଛି । ତେବେ କେନାଲରେ ପଡି କେଉଁ ଭଳି ଭାବେ ଯୁବକଙ୍କ ମୃତ୍ୟୁ ହୋଇଛି ସେ ନେଇ ପୋଲିସ ଘଟଣାର ଅଧିକ ତଦନ୍ତ ଚଳାଇଛି ।
